തീരദേശ ഹൈവേ: പുനരധിവാസ പാക്കേജ് പ്രഖ്യാപിച്ചില്ല, ആശങ്കയായി കല്ലിടൽ നടപടികൾ

താ​നൂ​ർ: തീ​ര​ദേ​ശ ഹൈ​വേ​ക്കാ​യി താ​നൂ​ർ പു​തി​യ ക​ട​പ്പു​റം, അ​ഞ്ചു​ടി, ചീ​രാ​ൻ ക​ട​പ്പു​റം മേ​ഖ​ല​ക​ളി​ൽ സ്ഥ​ല​മേ​റ്റെ​ടു​ക്ക​ലി​ന്റെ ഭാ​ഗ​മാ​യി ക​ല്ലി​ട​ൽ ന​ട​പ​ടി​ക​ൾ ആ​രം​ഭി​ച്ചു. 6500 കോ​ടി രൂ​പ​യു​ടെ ഭ​ര​ണാ​നു​മ​തി​യു​ള്ള പ​ദ്ധ​തി​ക്ക് ഇ​തി​നോ​ട​കം 2,289 കോ​ടി രൂ​പ​യു​ടെ (36 കി​ലോ​മീ​റ്റ​ർ പ​ദ്ധ​തി​ക്കും സ്ഥ​ലം ഏ​റ്റെ​ടു​ക്ക​ലി​നു​മാ​യും 240 കി​ലോ​മീ​റ്റ​ർ സ്ഥ​ല​മേ​റ്റെ​ടു​പ്പി​നാ​യും) സാ​മ്പ​ത്തി​ക അ​നു​മ​തി കി​ഫ്ബി​യി​ൽ നി​ന്ന് ല​ഭ്യ​മാ​യി​ട്ടു​ണ്ട്.

468 കി​ലോ​മീ​റ്റ​ർ ഭാ​ഗ​ത്ത് സ്ഥ​ലം ഏ​റ്റെ​ടു​ക്കാ​നു​ള്ള റ​വ​ന്യൂ ഉ​ത്ത​ര​വും അ​തി​ർ​ത്തി ക​ല്ലു​ക​ൾ സ്ഥാ​പി​ക്കാ​ൻ വി​ജ്ഞാ​പ​ന​വും വ​ന്നി​ട്ടു​ണ്ട്. സാ​മ്പ​ത്തി​ക അ​നു​മ​തി ല​ഭ്യ​മാ​യ ഇ​ട​ങ്ങ​ളി​ൽ കു​ടി​യൊ​ഴി​പ്പി​ക്ക​പ്പെ​ടു​ന്ന​വ​രെ വേ​ണ്ട രീ​തി​യി​ൽ അ​റി​യി​ക്കു​ക​യോ കാ​ര്യ​ങ്ങ​ൾ ബോ​ധ്യ​പ്പെ​ടു​ത്തു​ക​യോ ചെ​യ്യാ​തെ അ​തി​ർ​ത്തി ക​ല്ലു​ക​ൾ സ്ഥാ​പി​ക്കാ​ൻ ന​ട​പ​ടി​യു​മാ​യി അ​ധി​കൃ​ത​ർ മു​ന്നോ​ട്ട് പോ​വു​ന്ന​ത് എ​തി​ർ​പ്പി​നി​ട​യാ​ക്കി.

തീ​ര​ദേ​ശ മേ​ഖ​ല​യു​ടെ സ​വി​ശേ​ഷ​ത​ക​ൾ ക​ണ​ക്കി​ലെ​ടു​ത്ത് ഹൈ​വേ​യു​ടെ സ്ഥ​ലം ഏ​റ്റെ​ടു​ക്ക​ലി​ന് പ്ര​ത്യേ​ക പു​ന​ര​ധി​വാ​സ പാ​ക്കേ​ജ് പ​രി​ഗ​ണ​ന​യി​ലു​ണ്ടെ​ന്നാ​ണ് സ​ർ​ക്കാ​ർ വൃ​ത്ത​ങ്ങ​ൾ പ​റ​യു​ന്ന​തെ​ങ്കി​ലും അ​തു​മാ​യി ബ​ന്ധ​പ്പെ​ട്ട വി​ശ​ദാം​ശ​ങ്ങ​ൾ പു​റ​ത്തു വി​ടാ​ത്ത​താ​ണ് ജ​ന​ങ്ങ​ളെ ആ​ശ​ങ്ക​യി​ലാ​ഴ്ത്തു​ന്ന​ത്. തീ​ര​മേ​ഖ​ല​യി​ൽ സ്ഥ​ല​വും തൊ​ഴി​ലും ന​ഷ്ട​മാ​കു​ന്ന​വ​ർ​ക്ക് അ​തി​ന​നു​സൃ​ത​മാ​യ മ​തി​യാ​യ ന​ഷ്ട​പ​രി​ഹാ​രം ഉ​ൾ​പ്പെ​ടെ പു​ന​ര​ധി​വാ​സ പാ​ക്കേ​ജ് പ്ര​ഖ്യാ​പി​ച്ച് ജ​ന​ങ്ങ​ളെ ബോ​ധ്യ​പ്പെ​ടു​ത്തി​യാ​യി​രി​ക്ക​ണം ക​ല്ലി​ട​ൽ ന​ട​പ​ടി​ക​ളു​മാ​യി മു​ന്നോ​ട്ടു പോ​കേ​ണ്ട​തെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്.