കർഷക ദിനാഘോഷ സ്വാഗതസംഘം യോഗം ചേർന്നു

വെളിയങ്കോട് : വെളിയങ്കോട് ഗ്രാമ പഞ്ചായത്തിൻ്റെയും കൃഷി ഭവൻ്റെയും സംയുക്താഭിമുഖ്യത്തിൽ കർഷക ദിനാഘോഷവുമായി ബന്ധപ്പെട്ട സ്വാഗത സംഘ രൂപീകരണ യോഗ ഉദ്ഘാടനം ഗ്രാമ പഞ്ചായത്ത് പ്രസിഡൻ്റ് കല്ലാട്ടേൽ ഷംസു നിർവ്വഹിച്ചു.ആഗസ്റ്റ് 17 – ന് കർഷക ദിനം സമുചിതമായി ആഘോഷിക്കുന്നതിനും ,കർഷകദിനാഘോഷത്തോടനുബന്ധിച്ച് വാർഡ് തലത്തിൽ കൃഷി കൂട്ടങ്ങൾ രുപീകരിക്കുന്നതിനും , കൃഷി കൂട്ടങ്ങൾ നടീൽ ഉദ്ഘാടനം സംഘടിപ്പിക്കുന്നതിനും യോഗം തീരുമാനിച്ചു . 

കർഷക ദിനാഘോഷ പരിപാടിയുമായി ബന്ധപ്പെട്ട് മികച്ച ജൈവ കർഷകൻ, മുതിർന്ന കർഷകൻ, വിദ്യാർത്ഥി കർഷകർ, എസ് . സി . കർഷകൻ, വനിത കർഷക, തുടങ്ങിയവരേയും, മികച്ച ക്ഷീര,മത്സ്യ കർഷകനേയും ആദരിക്കുന്നതിനും യോഗം തീരുമാനിച്ചു. ഗ്രാമ പഞ്ചായത്ത് സ്റ്റാൻ്റിംഗ് കമ്മിറ്റി ചെയർമാൻ മജീദ് പാടിയോടത്ത് അധ്യക്ഷത വഹിച്ച ചടങ്ങിൽ സ്റ്റാൻ്റിംഗ് കമ്മിറ്റി ചെയർമാൻ സെയ്ത് പുഴക്കര, വാർഡ് മെമ്പർമാരായ റസ്ലത്ത് സെക്കീർ,കെ . വേലായുധൻ,സുമിത രതീഷ്,ഹസീന ഹിദായത്ത്,പി. പ്രിയ, വിവിധ സംഘടനകളെ പ്രതിനിധീകരിച്ച് സി.കെ.പ്രഭാകരൻ,വി. പി. അലി,സുരേഷ് പാട്ടത്തിൽ,പി. അശോകൻ,വേലായുധൻ പത്തിരം,സി.ഡി.എസ്ചെയർപേഴ്സൺ പുഷ്പലത,രാജൻ പാലപ്പെട്ടി,ബിനു ഗ്രാമം, തുടങ്ങിയവർ സംസാരിച്ചു.കാർഷിക വികസന സമിതി അംഗങ്ങൾ,പാടശേഖര സമിതി ഭാരവാഹികൾ, തുടങ്ങിയവർ പങ്കെടുത്തു.കൃഷി ഓഫിസർ വി.കെ ലമിന സ്വാഗതവും,ക്യഷി അസിസ്റ്റൻ്റ് ദീപ നന്ദിയും പറഞ്ഞു.