കൊയ്തെടുത്ത നെല്ല് ഏറ്റെടുക്കാത്തത് കർഷകർക്ക് ദുരിതമാകുന്നു

ചങ്ങരംകുളം: കൊയ്തെടുത്ത നെല്ല് സപ്ലൈകോ ഏറ്റെടുക്കാത്തത് കർഷകർക്ക് ദുരിതമാകുന്നു. ചെറുവല്ലൂർ തെക്കേ കെട്ടിലാണ് സംഭവം. ആഴ്ചയോളമായി കൊയ്തടുത്ത നെല്ലുകളാണ് കണ്ടങ്ങളിൽ കൂട്ടിയിട്ടിരിക്കുന്നത്. പാടത്ത് സൂക്ഷിച്ചിരിക്കുന്ന നെല്ല് മഴ നനഞ്ഞാൽ ഏറ്റുടുക്കാത്ത സ്ഥിതിയുണ്ടാകുമെന്നതാണ് കർഷകരെ ആശങ്കാകുലരാകുന്നത്. കൊയ്ത്ത് യന്ത്രം ഉപയോഗിച്ച് കൊയ്തെടുത്ത നെല്ലും വൈക്കോലും പാടങ്ങളിൽ തന്നെയാണ് കിടക്കുന്നത്. മറ്റു സംസ്ഥാനങ്ങളിൽ നിന്നും വൈക്കോൽ കേരളത്തിലേക്ക് എത്തുന്നതും കുറഞ്ഞ വിലയിൽ ലഭ്യമാകുന്നതും ഇവിടെ നിന്നും കൊയ്തെടുക്കുന്ന വൈക്കോലുകൾക്ക് വില ലഭ്യത കുറഞ്ഞതും കർഷകരെ അലട്ടുന്നുണ്ട്.