കുന്നംകുളം
കുന്ദംകുളത്ത് മാട്രിമോണിയല്‍ സ്ഥാപനത്തില്‍ തീപ്പിടിത്തം,കംപ്യൂട്ടറുകളും ഇലക്ട്രിക് ഉപകരണങ്ങളും നശിച്ചു
കുന്നംകുളം: കുന്ദംകുളത്ത് പ്രവര്‍ത്തിക്കുന്ന മാട്രിമോണിയല്‍ സ്ഥാപനത്തില്‍ തീപിടിത്തം. എംബി മാള്‍ കെട്ടിടത്തില്‍ പ്രവര്‍ത്തിക്കുന്ന സ്ഥാപനത്തിലാണ് ഇന്ന്(ബുധൻ) രാവിലെ ഏഴരയോടെ തീപ്പിടിത്തമുണ്ടായത്. സ്ഥാപനത്തിലെ കംപ്യൂട്ടറുകളും ഇലക്ട്രിക് ഉപകരണങ്ങളും സ്ഥാപനത്തിലുണ്ടായിരുന്ന രേഖകളും കത്തി നശിച്ചു.രാവിലെ സ്ഥാപനത്തിനുള്ളില്‍ നിന്ന് വലിയ രീതിയില്‍ പുക ഉയരുന്നത് കണ്ട നാട്ടുകാരും യാത്രക്കാരുമാണ് കുന്ദംകുളം ഫയര്‍‌സ്റ്റേഷനെ വിവരം അറിയിച്ചത്. രണ്ട് മണിക്കൂര്‍ നീണ്ട പരിശ്രമത്തിനൊടുവിലാണ് തീയണച്ചത്. തീപ്പിടിത്തത്തിന് കാരണം ഷോര്‍ട്ട് സര്‍ക്യൂട്ട് ആണെന്നാണ് പ്രാഥമിക നിഗമനം. അപകടത്തില്‍ എത്രത്തോളം നാശനഷ്ടമുണ്ടായെന്ന് പരിശോധിച്ചുവരികയാണ്
