എസ്എസ്എൽസി പരീക്ഷയിൽ മുഴുവൻ വിഷയത്തിലും എ പ്ലസ് നേടിയ ഗോകുൽദാസിനെ അനുമോദിച്ചു
May 29, 2023
ചങ്ങരംകുളം:പരിമിതികളെ തോൽപിച്ച് എസ്എസ്എൽസി പരീക്ഷയിൽ മുഴുവൻ വിഷയത്തിലും എ പ്ളസ് നേടിയ ഗോകുൽദാസിനെ മാന്തടം നന്മ ആർട്സ് &സ്പോർട്സ് ക്ലബ് ഭാരവാഹികൾ ഉപഹാരം നൽകി അനുമോദിച്ചു.തമിഴ്നാട്ടിൽ നിന്നെത്തി ചങ്ങരംകുളം മേഖലയിൽ പാഴ് വസ്തുക്കളും മറ്റു പഴയ സാധനങ്ങളും ശേഖരിച്ച് വില്പന നടത്തി ഉപജീവനം നടത്തുന്ന അലമേലുവിന്റെ മകനാണ് ഈ മിടുക്കൻ. മൂക്കുതല ഗവൺമെന്റ് ഹയർ സെക്കൻഡറി സ്കൂൾ വിദ്യാർത്ഥിയാണ്. ക്ലബ്ബ് പ്രസിഡണ്ട് സുരേഷ്.ടി, വൈസ് പ്രസിഡണ്ട് അമീർ വി.എ, ജനറൽ സെക്രട്ടറി മൊയ്തീൻ കോയ, ജോയിന്റ് സെക്രട്ടറി മണികണ്ഠൻ, ട്രഷറർ ബഷീർ, എക്സിക്യൂട്ടീവ് മെമ്പർ രാജൻ, എം.ദിലീപ് കുമാർ എന്നിവർ പങ്കെടുത്തു.
