എടപ്പാളിൽ സി പി എമ്മിൽ പൊട്ടിത്തെറി:റിബൽ സ്ഥാനാ ർത്ഥിക്ക് യുഡിഎഫ് പിന്തുണ
എടപ്പാൾ: സി പി എമ്മിലെ ഗ്രൂപ്പിസവും പടലപ്പിണക്കവും മറനീക്കി പുറത്തേക്ക് വന്നതോടെ കോലളമ്പ് വൈദ്യർ മൂല മുൻ ബ്രാഞ്ച് സെക്രട്ടറി യും സിപിഎം നേതാവുമായ പ്രഭാകരൻ സ്വതന്ത്ര സ്ഥാനാർഥിയായി പതിനേഴാം വാർഡിൽ ജനവിധി തേടുന്നു. യുഡിഎഫിലെ മുസ്ലിം ലീഗ് സ്ഥാനാർത്ഥി മുഹമ്മദ് പുറങ്ങിപാട്ട് സ്ഥാനാർത്ഥിത്വം പിൻവലിച്ചു സിപിഎം റിബലായി മത്സരിക്കുന്ന കോല ഇമ്പ് വൈദ്യർമൂല17-ാം വാർഡിലെ പ്രഭാകരന് പിന്തുണ നൽകാൻ തീരുമാനിച്ചു. അഴിമതിയിൽ മുങ്ങിയ ഇടത് സർക്കാരിന്റെ ജനദ്രോഹ ഭരണത്തിലും ഗ്രാമ പഞ്ചായത്തിലെ വികസന മുരടിപ്പിലും സ്വജന പക്ഷപാതത്തിലും പ്രതിഷേധിച്ചാണ് പ്രഭാകരൻ എൽഡിഎഫിനെതിരെ തിരിഞ്ഞു മത്സരരംഗത്തേക്ക് എത്തിയത്. നിരവധി കുടുംബങ്ങളും പാർട്ടി പ്രവർത്തകരും സ്ഥാനാർത്ഥിയുടെ വിജയത്തിന് വേണ്ടി പ്രവർത്തനം തുടങ്ങികഴിഞ്ഞു. ഇവരെ അനുനയിപ്പിക്കാൻ നേതാക്കൾ പലതവണ ശ്രമിച്ചെങ്കി ലും വഴങ്ങാതെ വന്നതോടെ സി പി എം നേതാക്കളുടെ ശ്രമം പരാജയപ്പെടുകയാണുണ്ടായത്. ഇതോടെ പഞ്ചായത്തിലെ പ്രധാന വാർഡുകളിലെല്ലാം സിപിഎമ്മും എൽഡിഎഫ് നേതൃത്വം വിഷമവൃത്തത്തിൽ ആയി .ഫോട്ടോ ക്യാപ്ഷൻ : സി പി എം റിബൽ സ്ഥാനാർത്ഥി സ: പ്രഭാകരൻ
