വന്ദേഭാരതിന് മലപ്പുറത്ത് സ്റ്റോപ്പ് വേണമെന്ന് ഹർജി; മലയാളി അഭിഭാഷകന് സുപ്രീം കോടതിയുടെ വിമർശനം
ന്യൂഡൽഹി : മലപ്പുറം ജില്ലയിൽ വന്ദേ ഭാരതിന് സ്റ്റോപ്പ് ആവശ്യപ്പെട്ട് ഹർജി സമർപ്പിച്ച മലയാളി അഭിഭാഷകന് സുപ്രീം കോടതിയുടെ വിമർശനം. രാജ്യത്തെ പരമോന്നത കോടതിയെ ഹർജിക്കാരൻ ഒരു പോസ്റ്റ് ഓഫീസാക്കി മാറ്റിയെന്നായിരുന്നു കോടതി വിമർശിച്ചത്. ഹർജിക്കാരന്റെ അസാധാരണമായ നടപടിയിൽ വാദം ചീഫ് ജസ്റ്റിസ് ഡി വൈ ചന്ദ്രചൂഡ്, ജസ്റ്റിസ് പി എസ് നരസിംഹ, ജസ്റ്റിസ് മനോജ് മിശ്ര ഹർജിക്കാരനെ ശകാരിച്ചു.വന്ദേ ഭാരത് ട്രെയിൻ എവിടെയാണ് നിർത്തേണ്ടതെന്ന് കോടതി തീരുമാനിക്കണമെന്ന് നിങ്ങൾ ആഗ്രഹിക്കുന്നു? അടുത്തതായി ഡൽഹി-മുംബൈ രാജധാനി സ്റ്റോപ്പ് ഷെഡ്യൂൾ ചെയ്യണോ? ഇത് നയപരമായ കാര്യമാണ്, അധികാരികളുടെ അടുത്തേക്ക് പോകുക,” ഹർജിക്കാരനായ പി ടി ഷീജിഷിനെ ശാസിച്ചുകൊണ്ട് ചീഫ് ജസ്റ്റിസ് പറഞ്ഞു.
തന്റെ ആവശ്യം പരിഗണിക്കാൻ സുപ്രീം കോടതി സർക്കാരിനോട് ആവശ്യപ്പെടണമെന്ന് ഹരജിക്കാരൻ വാദിച്ചിരുന്നു. എന്നാൽ, ഈ വിഷയത്തിൽ കോടതി പരിഗണിച്ചതിനാൽ താൻ ഇടപെടില്ലെന്ന് ചീഫ് ജസ്റ്റിസ് പറഞ്ഞു.പുതിയ ‘വന്ദേ ഭാരത’ ട്രെയിനിന് തിരൂരിൽ സ്റ്റോപ്പ് അനുവദിക്കാൻ നിർദേശമുണ്ടായിട്ടും ഫലമുണ്ടായിട്ടില്ലെന്നാണ് ഹർജിക്കാരൻ ചൂണ്ടിക്കാണിക്കുന്നത്. മലപ്പുറത്ത് ജനസാന്ദ്രതയുണ്ടെങ്കിലും നിരവധി ആളുകൾ യാത്രാ ആവശ്യങ്ങൾക്കായി ട്രെയിൻ സർവീസുകളെ ആശ്രയിക്കുന്നുണ്ടെങ്കിലും ജില്ലയ്ക്ക് ആവശ്യത്തിന് സ്റ്റോപ്പ് അനുവദിച്ചിട്ടില്ലെന്ന് ഹർജിക്കാരൻ ആരോപിച്ചു.ചില രാഷ്ട്രീയ കാരണങ്ങൾ കൊണ്ടാണ് സ്റ്റോപ്പ് അനുവദിക്കാത്തത് എന്നാണ് ഹർജിക്കാരൻറെ വാദം. തിരൂരിന് സ്റ്റോപ്പ് അനുവദിക്കണമെന്ന് ആവശ്യപ്പെട്ട് നേരത്തെ കേരള ഹൈക്കോടതിയിൽ ഹർജി നൽകിയിരുന്നു. എന്നാൽ ഇത് തള്ളുകയായിരുന്നു. ഹൈക്കോടതിയിലെ ഹർജിക്കാരൻ പി ടി ഷീജിഷാണ് സുപ്രീം കോടതിയെയും സമീപിച്ചത്. ഹൈക്കോടതിയുടെ ഉത്തരവ് സ്റ്റേ ചെയ്യണമെന്നും ഹർജിയിൽ ആവശ്യപ്പെടുന്നു.
