ഇന്റർനാഷണൽ യോഗ ദിനാചരണം:അസ്സാബാഹ് കോളേജിൽ ‘മെഗാ യോഗ സെഷൻ’സംഘടിപ്പിച്ചു
ചങ്ങരംകുളം:വളയംകുളം അസ്സാബാഹ് ആർട്സ് & സയൻസ് കോളേജ് ഇന്റർനാഷണൽ യോഗ ദിനാചരണത്തിന്റെ ഭാഗമായി ‘മെഗാ യോഗ സെഷൻ’സംഘടിപ്പിച്ചു. എൻ.എസ്.എസ് 240 യൂണിറ്റും കോളേജിലെ ഫിസിക്കൽ എഡ്യൂക്കേഷൻ വിഭാഗവും സംയുക്തമായാണ് പരിപാടി സംഘടിപ്പിച്ചത്.കോളേജ് ഓപ്പൺ ഓഡിറ്റോറിയത്തിൽ രാവിലെ 10:00 മുതൽ 11:30 വരെ നടന്ന യോഗ സെഷൻ അസ്സബാഹ് കോളേജ് പ്രിൻസിപ്പൽ മുഹമ്മദ് കോയ എം.എൻ.ഉത്ഘാടനം ചെയ്തു.എൻ.എസ്.എസ് പ്രോഗ്രാം ഓഫീസർ അബ്ദുൽ റഹ്‌മാൻ. പി, ഫിസിക്കൽ എഡ്യൂക്കേഷൻ മേധാവി അൻഷാദ്.കെ.ട്ടി തുടങ്ങിയവർ സംസാരിച്ചു.യോഗ ഫിസിക്കൽ ട്രെയിനർ ബാബു സലിം, അസ്സബാഹ് ഇംഗ്ലീഷ് ഡിപ്പാർട്മെന്റിലെ അധ്യാപികയും യോഗാചാര്യയുമായ ശോഭ ശ്രീധരൻ തുടങ്ങിയവർ യോഗ സെഷന് നേതൃത്വം നൽകി.വിദ്യാർത്ഥികളും ജീവനക്കാരും ഉൾപ്പെടെ നിരവധി പേർ പരിപാടിയിൽ പങ്കെടുത്തു.യോഗയുടെ പ്രാധാന്യം,ശാരീരികവും മാനസികവുമായ ആരോഗ്യം എന്നിവയെക്കുറിച്ച് അവബോധം വളർത്തുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചത്.യോഗാഭ്യാസത്തിലൂടെ ലഭിച്ച ശാരീരികവും മാനസികവുമായ ഉണർവ് പങ്കെടുത്തവർക്ക് വേറിട്ട അനുഭവമായി.
