അ​മി​ത​ശ​ബ്ദ​ത്തി​ലു​ള്ള ഹോ​ണു​ക​ൾ വ്യാ​പ​കം; നി​യ​മ​ലം​ഘ​നം ത​ട​യാ​ന്‍ സം​വി​ധാ​ന​മി​ല്ലാ​തെ മോ​ട്ടോ​ര്‍ വാ​ഹ​ന വ​കു​പ്പ്

കൊ​ണ്ടോ​ട്ടി: വാ​ഹ​ന​ങ്ങ​ളി​ല്‍ അ​മി​ത​ശ​ബ്ദ​ത്തി​ലു​ള്ള ഹോ​ണു​ക​ളു​ടെ ഉ​പ​യോ​ഗം വ്യാ​പ​ക​മാ​കു​മ്പോ​ള്‍ നി​യ​മ​ലം​ഘ​നം ത​ട​യാ​ന്‍ ന​ട​പ​ടി​ക​ളി​ല്ലാ​തെ മോ​ട്ടോ​ര്‍ വാ​ഹ​ന വ​കു​പ്പ്. സ്വ​കാ​ര്യ​ബ​സു​ക​ളി​ലു​ള്‍പ്പെ​ടെ കാ​ത​ടി​പ്പി​ക്കു​ന്ന ശ​ബ്ദ​ത്തി​ലു​ള്ള ഹോ​ണു​ക​ളു​ടെ ഉ​പ​യോ​ഗം ത​ട​യാ​ന്‍ നി​യ​മം അ​നു​ശാ​സി​ക്കു​മ്പോ​ഴും പ​രി​ശോ​ധ​ന​ന​ട​പ​ടി​ക​ള്‍ പേ​രി​ലൊ​തു​ങ്ങു​ക​യാ​ണ്. മോ​ട്ടോ​ര്‍ വാ​ഹ​ന വ​കു​പ്പ് ന​ട​ത്തു​ന്ന പ​രി​ശോ​ധ​ന​ക​ള്‍ ആ​ധു​നി​ക ഉ​പ​ക​ര​ണ​ങ്ങ​ളു​ടെ അ​ഭാ​വ​ത്തി​ല്‍ പൂ​ര്‍ണ​ത​യി​ല്‍ എ​ത്തു​ന്നി​ല്ല.

ബ​സ് സ്റ്റാ​ൻ​ഡു​ക​ള്‍ കേ​ന്ദ്രീ​ക​രി​ച്ചു​മാ​ത്രം ന​ട​ക്കു​ന്ന പ​രി​ശോ​ധ​ന​യി​ല്‍ മ​റ്റ് സ്വ​കാ​ര്യ​വാ​ഹ​ന​ങ്ങ​ള്‍ വി​ട്ടു​പോ​കു​ന്നെ​ന്ന പ​രാ​തി വ്യാ​പ​ക​മാ​ണ്. തി​ര​ക്കേ​റി​യ സ്ഥ​ല​ങ്ങ​ളി​ലും ന​ഗ​ര​പ​രി​ധി​യി​ലും 60 ഡെ​സി​ബെ​ല്ലി​ന് മു​ക​ളി​ല്‍ ശ​ബ്ദ​മു​ള്ള ഹോ​ണ്‍ ഉ​പ​യോ​ഗി​ക്ക​രു​തെ​ന്നാ​ണ് നി​യ​മം. പൊ​ലീ​സി​ന്റെ പ​രി​ശോ​ധ​ന​യി​ല്‍ ഹോ​ണു​ക​ളു​ടെ ശ​ബ്ദ​തീ​വ്ര​ത പ​രി​ശോ​ധി​ക്കാ​ത്ത​തി​നാ​ല്‍ ഓ​ട്ടോ​റി​ക്ഷ​ക​ള്‍ മു​ത​ല്‍ സ്വ​കാ​ര്യ​ബ​സു​ക​ളി​ല്‍ വ​രെ അ​മി​ത​ശ​ബ്ദ​ത്തി​ലു​ള്ള ഹോ​ണു​ക​ളു​ടെ ഉ​പ​യോ​ഗം വ്യാ​പ​ക​മാ​ണ്.

വാ​ഹ​ന​ക്ക​മ്പ​നി​ക​ളും 55 ഡെ​സി​ബെ​ലി​ല്‍ താ​ഴെ​യു​ള്ള ഹോ​ണു​ക​ളാ​ണ് നി​ര്‍മി​ക്കു​ന്ന​ത്. ഇ​തു പി​ന്നീ​ട് മാ​റ്റി​യാ​ണ് സ്വ​കാ​ര്യ​ബ​സു​ക​ളും ആ​ഡം​ബ​ര വാ​ഹ​ന​ങ്ങ​ളും ഓ​ട്ടോ​റി​ക്ഷ​ക​ളും വ​രെ നി​ര​ത്തു​ക​ളി​ല്‍ ഓ​ടു​ന്ന​ത്. എ​യ​ര്‍ ഹോ​ണു​ക​ള്‍ മാ​ത്ര​മാ​ണ് സാ​ധാ​ര​ണ പ​രി​ശോ​ധ​ന​യി​ല്‍ മോ​ട്ടോ​ര്‍ വാ​ഹ​ന വ​കു​പ്പി​ന് ക​ണ്ടെ​ത്താ​ന്‍ ക​ഴി​യു​ന്ന​ത്. പ​രി​ശോ​ധ​ന​ക്ക് ആ​ധു​നി​ക സം​വി​ധാ​ന​ങ്ങ​ള്‍ ഒ​രു​ക്ക​ണ​മെ​ന്ന വ​കു​പ്പു​ത​ല ആ​വ​ശ്യം സ​ര്‍ക്കാ​ര്‍ മു​ഖ​വി​ല​ക്കെ​ടു​ത്തി​ട്ടി​ല്ല. ശ​ബ്ദ​തീ​വ്ര​ത അ​ള​ക്കു​ന്ന ഉ​പ​ക​ര​ണ​മാ​യ ഡെ​സി​ബെ​ല്‍ മീ​റ്റ​ര്‍ ഉ​പ​യോ​ഗി​ച്ചു​ള്ള പ​രി​ശോ​ധ​ന നി​ര​ത്തു​ക​ളി​ലെ​വി​ടെ​യും ന​ട​ക്കു​ന്നു​മി​ല്ല.