എടപ്പാൾ: പന്താവൂർ ശ്രീലക്ഷ്മീ നരസിംഹമൂർത്തി ക്ഷേത്രത്തിൽ ക്ഷേത്രം തന്ത്രി അണ്ടലാടി മനക്കൽ പരമേശ്വരൻ നമ്പൂതിരിപ്പാടിൻ്റെ നേതൃത്വത്തിൽ ഉദയാസ്തമന പൂജയും ക്ഷേത്രം മേൽശാന്തി രാജേഷ് തിവാരി നിത്യനിദാന ചടങ്ങുകൾക്കും നേതൃത്വം നൽകി . നയന സ്വപ്ന നാരായണൻ്റെ വഴിപാടായാണ് ഉദയാസ്തമന പൂജ നടന്നത്.നവകം, പഞ്ചഗവ്യം,ശ്രീഭൂതബലി തുടങ്ങി വിശേഷാൽ പൂജകൾ ഇന്നേ ദിവസം നടന്നു.വൈകീട്ട് ക്ഷേത്രാങ്കണത്തിൽ ഭക്തജനങ്ങളുടെ സഹകരണത്തോടെ നിറദീപ സമർപ്പണത്തിൽ നിരവധി ഭക്ത ജനങ്ങൾ പങ്കെടുത്തു.
