22-ാമത് ‘എ.എ മലയാളി പുരസ്കാരം ‘ ഡോ.ഇക്ബാൽ കുറ്റിപ്പുറത്തിന്
എടപ്പാൾ: കഥ, തിരക്കഥ രചനകളിലൂടെ മലയാള സിനിമ രംഗത്ത് പ്രാഗത്ഭ്യം തെളിയിച്ച വ്യക്തി എന്ന നിലയിലാണ് 2022 വർഷത്തെ പുരസ്കാരത്തിന് ഡോ.ഇക്ബാലിനെ തെരഞ്ഞെടുത്തത്.
ആലങ്കോട് ലീലാകൃഷണൻ അധ്യക്ഷനായുള്ള അവാർഡ് സമിതിയാണ് ഈ വർഷത്തെ ജേതാവിനെ തിരഞ്ഞെടുത്തത്.
സ്വാതന്ത്ര്യ സമര സേനാനിയും, രാഷ്ട്രീയ സാമൂഹ്യ സാഹിത്യ നാടക പത്രപ്രവർത്തന മാപ്പിളപ്പാട്ട് രചന മേഖലകളിൽ നിറഞ്ഞു നില്ക്കുകയും ചെയ്തിരുന്ന ‘എ.എ മലയാളിയുടെ’ സ്മരണാർത്ഥം നൽകുന്ന ‘എ എ മലയാളി ‘ പുരസ്കാരം 22-മത്തെ വർഷമാണ്.
മഹാകവി അക്കിത്തം മുതൽ സി.രാധാകൃഷ്ണൻ വരെയുള്ള അതുല്യ പ്രതിഭകൾ ഈ അവാർഡിന് മുൻപ് അർഹരായവരാണ്.
ഫെബ്രുവരി ആദ്യവാരത്തിൽ കുറ്റിപ്പുറത്ത് വെച്ച് നടക്കുന്ന മലയാളി അനുസ്മരണ ചടങ്ങിൽ വെച്ച് പുരസ്കാരം സമ്മാനിക്കും.
കുറ്റിപ്പുറം എലൈറ്റ് ലൈബ്രറിയുടെ നേതൃത്വത്തിലുള്ള അനുസ്മരണ സമിതിയാണ് ചടങ്ങ് സംഘടിപ്പിക്കുന്നത്.
സിനിമ, സാഹിത്യ മേഖലകളിലെ പ്രശസ്തർ ചടങ്ങിൽ സംബന്ധിക്കും.
