ചങ്ങരംകുളം:ചങ്ങരംകുളം മേഖലയിലെ ആലങ്കോട് , നന്നംമുക്ക്, പഞ്ചായത്ത് പരിധിയും പെരുമ്പടപ്പ് പഞ്ചായത്തിലെ ചെറവല്ലൂർ പ്രദേശം ഉൾപ്പെടുന്ന ചങ്ങരംകുളം മേഖല കേന്ദ്രമായി പ്രവർത്തിക്കുന്ന ഹോപ്പ് ഹവൻ ചാരിറ്റബിൾ ട്രസ്റ്റിന്റെ ലോഗോ പ്രകാശനം പാണക്കാട് സയ്യിദ് അബ്ബാസലി ശിഹാബ് തങ്ങൾ നിർവഹിച്ചു ട്രസ്റ്റ് ചെയർ പേഴ്സണൽ ഇ കെ ഹഫ് ലത്ത് ടീച്ചർ അധ്യക്ഷത വഹിച്ചു.
സാമൂഹ്യ സന്നദ്ധ സേവന പ്രവർത്തനങ്ങൾ ഏകോപിപ്പിക്കുന്നതിന് വേണ്ടി രൂപീകരിച്ച സോഷ്യൽ സർവീസ് ടീം ആണ് ഹോപ്പ് ഹവൻ ചാരിറ്റബിൾ ട്രസ്റ്റ്
യൂത്ത് വിങ്ങ്, ബാലവേദി, ഹെൽത്ത് ക്ലബ്ബ്, സാന്ത്വന പാലിറ്റീവ്, ടീനേജ് ക്ലബ്ബ്, വയോജന സഭ, വനിതാ സംഘം, കർഷക സംഘം, സ്പോർട്സ് ടീം, നിയമസഹായ വേദി, പെൻഷൻനേഴ്സ് ടീം, പ്രവാസി സെൽ, സർക്കാർ ഉദ്യോഗസ്ഥരുടെ കൂട്ടായ്മ, ദളിത് സംഘം, വിദ്യാഭ്യാസ ഗൈഡൻസ് സെൽ, ഈ മേഖലയ്ക്ക് ഊന്നൽ നൽകി പ്രവർത്തിക്കുവാനാണ് ട്രസ്റ്റിന്റെ ഉദ്ദേശം
ചടങ്ങിൽ ട്രസ്റ്റ് ഭാരവാഹികളായ ബഷീർ കക്കടിക്കൽ, സൂര്യ ദിനേശൻ, ഷെമീറ ഉസ്മാൻ പന്താവൂർ, ഷാഹിദ സലീം കോക്കൂർ,ഷംന ഉമ്മർ പന്താവൂർ,തുടങ്ങിയവർ സംബന്ധിച്ചു.
