KERALA
ഹോട്ടല് വ്യാപാരി സിദ്ദിഖിന്റെ കൊലപാതകം മദ്യലഹരിയിലെന്ന് പൊലീസ്; അട്ടപ്പാടി ചുരത്തില്‍ പ്രതികളുമായി തെളിവെടുപ്പ്
ഇന്നലെയാണ് സിദ്ദിഖ് കേസില് പ്രതികളെ അഞ്ച് ദിവസത്തെ പൊലീസ് കസ്റ്റഡിയില് വിട്ടത്. ഈ ചോദ്യം ചെയ്യലിലാണ് നിര്ണായക വിവരങ്ങള് പൊലീസിന് ലഭിച്ചത്. കേസില് അന്വേഷണ സംഘത്തിന്റെ തെളിവെടുപ്പ് തുടരുകയാണ്. തിരൂര് പൊലീസ് സ്റ്റേഷനില് നിന്ന് പ്രതികളുമായി അന്വേഷണ സംഘം അട്ടപ്പാടിയിലേക്ക് തിരിച്ചു. മൃതദേഹം ഉപേക്ഷിച്ച അട്ടപ്പാടി ചുരത്തിലെ ഒന്പതാം വളവിലാണ് ഇന്ന് തെളിവെടുപ്പ് നടക്കുക.
ഷിബിലിയാണ് ഹണി ട്രാപ് ആസൂത്രണം ചെയ്തതെന്നാണ് പൊലീസിന്റെ പ്രാഥമിക നിഗമനം. ഷിബിലിയും സിദ്ദിഖും ചേര്ന്നാണ് ഫര്ഹാനയെ കാറില് ഹോട്ടലിലേക്ക് എത്തിച്ചതെന്നും പ്രതികള് മൊഴി നല്കിയിട്ടുണ്ട്.
