EDUCATION
സിവിൽ സർവീസ് പരീക്ഷാ ഫലം പ്രഖ്യാപിച്ചു; കോട്ടയം പാലാ സ്വദേശി ഗഹനയ്ക്ക് ആറാം റാങ്ക്
കോട്ടയം പാലാ മുത്തോലി സ്വദേശിയായ ഗഹനാ നവ്യാ ജയിംസ് (25) എംജി സർവ്വകലാശാലയിൽ ഇന്റർനാഷണൽ റിലേഷൻസിൽ ഗവേഷണം നടത്തുകയാണ്. പാലാ ചവറ പബ്ലിക് സ്കൂളിലാണ് പത്താം ക്ലാസ് വരെ പഠിച്ചത്. പാലാ സെന്റ് മേരീസ് സ്കൂളിൽ പ്ലസ് ടു പൂർത്തിയാക്കിയ ഗ്രഹന പാലാ അൽഫോൻസാ കോളേജിൽ നിന്ന് ഒന്നാം റാങ്കോടെ ഹിസ്റ്ററി പാസായി. തുടർന്ന് പാലാ സെന്റ് തോമസ് കോളേജിൽനിന്ന് എം എ പൊളിറ്റിക്കൽ സയൻസിൽ ഒന്നാം റാങ്ക് നേടി. യുജിസി നാഷണൽ റിസർച്ച് ഫെലോഷിപ്പ് സ്വന്തമാക്കി.
പാലാ സെന്റ് തോമസ് കോളേജ് റിട്ട : ഹിന്ദി പ്രൊഫസർ സി. കെ ജെയിംസ് തോമസിന്റെയും അധ്യാപിക ദീപ ജോർജിന്റെയും മകളാണ്. ജപ്പാൻ അംബാസിഡർ സിബി ജോർജിന്റെ അനന്തരവളുമാണ്. തിരുവനന്തപുരം ബാലരാമപുരം സ്വദേശിയാണ് വി.എം ആര്യ. ആര്യയുടെ രണ്ടാമത്തെ ശ്രമത്തിലാണ് നേട്ടം കരസ്ഥമാക്കിയത്. നിലവിൽ ഗസ്റ്റ് അധ്യാപികയായി ജോലി നോക്കുകയാണ്.
