വർണപ്പൊലിമയേകി കുളങ്കര ഭഗവതി ക്ഷേത്രത്തിലെ താലപ്പൊലി മഹോത്സസവം കൊണ്ടാടി

എടപ്പാള്‍: കുളങ്കര ഭഗവതി ക്ഷേത്രത്തിലെ താലപ്പൊലി മഹോത്സസവത്തിന് ഒഴുകിയെത്തിയത് നൂറ് കണക്കിന് ഉത്സവ പ്രേമികളായുള്ള ആളുകൾ.പ്രധാനമായും മലപ്പുറം ,പാലക്കാട് , തൃശ്ശൂർ ജില്ലകളില്‍ നിന്നുള്ള ഉത്സവ പ്രേമികളാണ് എത്തിയത്

വെടിക്കെട്ടിന് അനുമതി ലഭിക്കാത്തത് വെടിക്കെട്ട് പ്രേമികളെ വലിയ നിരാശയിലാക്കി.ടീം നടുവട്ടവും ക്ഷേത്ര കമ്മറ്റിയുടേയും നേതൃത്വത്തിലായിരുന്നു വെടിക്കെട്ടുകള്‍ നടക്കാനിരുന്നത്.എന്നാല്‍ ജില്ലാ ഭരണകൂടം അനുമതി നിഷേധിക്കുകയായിരുന്നു.രാവിലെ നിത്യനിദാന പൂജകള്‍ക്കു ശേഷം ഓട്ടന്‍ തുള്ളല്‍ അരങ്ങേറി.ഉച്ചക്ക് നാദസ്വരവും പഞ്ചവാദ്യവും,മേളവും അരങ്ങേറി.രാത്രി ഡബിള്‍ തായമ്പകയും ഗാനമേളയും നടന്നതോടെ ഈ വർഷത്തെ പൂരമഹോത്സവത്തിനു സമാപനമായി