വിദേശ മദ്യഷാപ്പ് അടച്ചു പൂട്ടണം; SDPI ജനകീയ മാർച്ച് സംഘടിപ്പിച്ചു
പൊന്നാനി: ജനവാസമേഖലയിൽ ലൈസൻസ് ഇല്ലാതെ പ്രവർത്തിക്കുന്ന വിദേശ മദ്യഷാപ്പ് അടച്ചു പൂട്ടണമെന്നാവശ്യപ്പെട്ട് SDPI പൊന്നാനി മണ്ഡലം കമ്മിറ്റിയുടെ നേതൃത്വത്തിൽ ജനകീയ മാർച്ച് സംഘടിപ്പിച്ചു. മാർച്ച് ബീവറേജസ് കോർപറേഷന്റെ ഔട്ട്ലെറ്റിന് മുൻപിൽ പോലീസ് തടഞ്ഞു. തുടർന്ന് SDPI മലപ്പുറം ജില്ലാ പ്രസിഡന്റ്‌ അൻവർ പഴഞ്ഞി മാർച്ച് ഉദ്ഘാടനം ചെയ്തുകൊണ്ട് സംസാരിച്ചു.
സംസ്ഥാനവും മുൻസിപ്പാലിറ്റിയും ഭരിക്കുന്ന എൽഡിഫിന്റെയും പൊന്നാനി എംഎൽഎ പി നന്ദകുമാറിന്റെയും സമ്മതത്തോടെയാണ് മദ്യഷാപ്പ് പ്രവർത്തിക്കുന്നത് അതുകൊണ്ട്തന്നെ
മദ്യഷാപ്പിന് മുന്നിൽ സമര നാടകം നടത്തുന്ന സിപിഎം ആത്മാർത്ഥത ഉണ്ടെങ്കിൽ
എംഎൽഎയുടെ വസതിക്ക് മുൻപിലോ
മുൻസിപ്പൽ ഭരണ സമിതിക്കെതിരെയോയാണ് സമരം നടത്തേണ്ടതെന്നും
സിപിഎം നടത്തുന്ന സമര നാടകം ജനങ്ങൾ തിരിച്ചറിയുമെന്നും അദ്ദേഹം പറഞ്ഞു.
പൊന്നാനി നിയോജക മണ്ഡലം പ്രസിഡന്റ്‌ റാഫി പാലപ്പെട്ടി, മണ്ഡലം കമ്മിറ്റിയംഗം കുഞ്ഞൻബാവ മാസ്റ്റർ തുടങ്ങിയവർ സംസാരിച്ചു.
മാർച്ചിന് മണ്ഡലം വൈസ് പ്രസിഡന്റ്മാരായ ഷഹീർ തണ്ണിത്തുറ, നസീർ പടിഞ്ഞാറ്റുമുറി, സെക്രട്ടറി അഷ്‌റഫ്‌ പാവിട്ടപ്പുറം, ഫസൽ പുറങ്ങ്, ശിഹാബ് വെളിയങ്കോട്,
റിഷാബ് പൊന്നാനി, സക്കീർ പൊന്നാനി തുടങ്ങിയവർ നേതൃത്വം നൽകി.
