മിഹ്സ ടാലന്റ് അവാർഡുകൾ വിതരണം ചെയ്തു.
പൊന്നാനി: എം.ഐ.ഹൈസ്കൂൾ പൂർവ്വ വിദ്യാർത്ഥി കൂട്ടായ്മയായ മിഹ്സ പൊന്നാനി നഗരസഭ പരിധിയിലെ സ്കൂളുകളിൽ പഠിക്കുന്ന വിദ്യാർത്ഥികൾക്കായി സംഘടിപ്പിച്ച മിഹ്സ ടാലന്റ് അവാർഡ് 2025 വിതരണം ചെയ്തു.
അവാർഡ് പ്രഖ്യാപന – വിതരണ ചടങ്ങ് നഗരസഭ ചെയർപേഴ്സൺ സി.വി സുധ ഉദ്ഘാടനം ചെയ്തു.
അക്ബർ ട്രാവത്സ് ഓഫ് ഇന്ത്യ മാനേജിംഗ് ഡയരക്ടർ ഡോ.കെ.വി. അബ്ദുൽ നാസർ, മിഹ്സ വൈസ് പ്രസിഡണ്ട് ഫസൽ തങ്ങൾ എന്നിവർ
അവാർഡുകൾ
വിതരണം ചെയ്തു. ചടങ്ങിൽ മിഹ്സ പ്രസിഡണ്ട് കെ. ഇമ്പിച്ചിക്കോയ
അധ്യക്ഷനായിരുന്നു.
ചിത്രകാരൻ വി. ഭാസ്കർദാസ്, മിമിക്രി കലാകാരൻ അബാൻ അശ്റഫ് എന്നിവർ അതിഥികളായി.
പൊന്നാനി നഗരസഭ
വൈസ് ചെയർ പേഴ്സൺ സി.പി. സെക്കീർ, വാർഡ് കൗൺസിലർ സൗദാബി, എം.ഐ.എച്ച്.എസ് എസ് പ്രിൻസിപ്പാൽ
നബീൽ രണ്ടത്താണി,
മിഹ്സ വൈസ് പ്രസിഡണ്ട് ഫസൽ തങ്ങൾ, ജൂറി ചെയർപേഴ്സൺ
പ്രൊഫ. പി.കെ.എം മുഹമ്മദ് ഇക്ബാൽ, ജൂറി അംഗം ഡോ. എം.വി. ബുഷ്റ എന്നിവർ ആശംസകൾ അർപ്പിച്ചു.
മിഹ്സ ജനറൽ സെക്രട്ടറി എം.എ. ഹസീബ് സ്വാഗതവും
വൈസ് പ്രസിഡണ്ട്
റാബിയ ജമാൽ നന്ദിയും പറഞ്ഞു.
മിഹ്സ എക്സിക്യൂട്ടീവ് കമ്മറ്റിയംഗങ്ങൾ മത്സരത്തിൽ പങ്കെടുത്തവർക്കുള്ള സർട്ടിഫിക്കറ്റുകൾ വിതരണം ചെയ്തു.
യൂ.പി.സ്കൂൾ വിഭാഗത്തിൽ വിജയമാത ഇംഗ്ലീഷ് മീഡിയം സ്കൂളിലെ
നിസ് വ ഫാത്തിമ്മ ഏ.പി,
ഹൈസ്കൂൾ വിഭാഗത്തിൽ
ഏ.വി. ഹൈസ്കൂളിലെ
പി. ശ്രീരഞ്ജിനി ഹയർ സെക്കണ്ടറി സ്കൂൾ വിഭാഗത്തിൽ എം.ഇ.എസ്
ഹയർ സെക്കണ്ടറി
സ്കൂളിലെ
ഫഹ്മിത ഫാറൂഖ് എന്നിവർ 2024 – 2025
വർഷത്തെ ടാലൻ്റ് അവാർഡിന് അർഹരായി.
അക്കാദമിക – കലാ – കായിക – സന്നദ്ധ പ്രവർത്തനങ്ങളിലെ മികവും ജൂറിയുമായുള്ള അഭിമുഖത്തിലെ പ്രകടനവും പരിഗണിച്ചാണ് അവാർഡ്
നൽകുന്നത്. അവാർഡിന് അർഹരായവർക്ക് 10,000 രൂപ ക്യാഷ് പ്രൈസും കിഷോർ ചാരക്കോൾ രൂപകൽപ്പന ചെയ്ത ശില്പവും കീർത്തി പത്രവും
നൽകി.
ഫാഷനിംഗിലെ പ്രതിഭയായ ചെറുവായിക്കര സ്കൂളിലെ ജിതേഷ് പി. യാദവ്, എം.ഐ. വിദ്യാർത്ഥികളെ പ്രതിനിധീകരിച്ച് എം.ഐ. ഹയർ സെക്കണ്ടറി സ്കൂളിലെ പി.പി
ലിയാന എന്നിവർ ജൂറിയുടെ പ്രത്യേക പരാമർശം നേടി ടാലൻ്റ്
അവാർഡിന് അർഹരായി.
പരിപാടിയോട് ബന്ധപ്പെട്ടു നടന്ന പ്രതിഭാ സംഗമം ശിവദാസ് ആറ്റുപുറം ഉദ്ഘാടനം ചെയ്തു.
മിഹ്സ വൈസ് പ്രസിഡണ്ട് സി.രഘുനാഥ്
അധ്യക്ഷനായിരുന്നു.
ധുവി കൃഷ്ണ, അമേയ ശ്രീരാജ്,
ഹബീബ സമീർ എന്നിവർ
അതിഥികളായിരുന്നു. അവർഡ് കമ്മറ്റി കൺവീനർ കെ.വി. ഹബീബ് റഹ്മാൻ,
മിഹ്സ സെക്രട്ടറിമാരായ അസ്മ ഷാജി, കെ. നിസാർ
പി.അബ്ദുൽ ഗഫൂർ എന്നിവർ സംസാരിച്ചു.
