EDAPPALLocal news
മാലിന്യമുക്തം നവകേരളം: കർമ്മസമിതി യോഗം ചേർന്നു
കർമ്മസമിതി യോഗം ചേർന്നു. നിയോജകമണ്ഡല അടിസ്ഥാനത്തിൽ ക്യാമ്പയിൻ പ്രവർത്തനങ്ങൾ ഏകോപിപ്പിക്കുന്നതിനും മോണിറ്ററിംഗ് നടത്തുന്നതിനുമായാണ് തവനൂർ നിയോജകമണ്ഡല കർമ്മസമിതി യോഗം പൊന്നാനി ബ്ലോക്ക് പഞ്ചായത്ത് ഹാളിൽ ചേർന്നത്. ബ്ലോക്ക് പഞ്ചായത്ത് പ്രസിഡന്റ് സി രാമകൃഷ്ണൻ അധ്യക്ഷതയിൽ നടന്ന യോഗത്തിൽ സെക്രട്ടറി രാജീവ് എസ് ആർ മാലിന്യ മുക്ത നവകേരളം ക്യാമ്പയിന്റെ ഓരോ ഘട്ടത്തിലും ചെയ്യേണ്ട പ്രവർത്തനങ്ങളെ പറ്റി വിശദീകരിച്ചു. അസിസ്റ്റന്റ് ഡയറക്ടർ എൽ എസ് ജി ഡി ഖാലിദ് പി കെ ഓരോ പഞ്ചായത്തിലെ യൂസർ ഫീ കളക്ഷനെ പറ്റിയും ഹരിത കർമ സേന പ്രവർത്തന പുരോഗതിയെ പറ്റിയും വിവരിച്ചു . പ്രസ്തുത യോഗത്തിൽ എല്ലാ പഞ്ചായത്തുകളും മാലിന്യ മുക്ത നവകേരളം അടിയന്തിര ഘട്ടത്തിൽ ചെയ്ത പ്രവർത്തനങ്ങളുടെ റിപ്പോർട്ട്സ് അവതരിപ്പിച്ചു. യോഗത്തിൽ തവനൂർ നിയോജക മണ്ഡലത്തിൽ ഉൾപ്പെടുന്ന 7 പഞ്ചായത്തുകളിലെ പ്രസിഡന്റ്, സെക്രട്ടറി, ആരോഗ്യ – വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ, വി. ഇ. ഒ, ഹെൽത്ത് ഇൻസ്പെക്ടർ, ഹരിത കർമസേന കൺവിനെർ, ആ. ജി. എസ്. എ ബ്ലോക്ക് കോർഡിനേറ്റർ, ശുചിത്വ മിഷൻ പഞ്ചായത്ത് തല റിസോഴ്സ് പേഴ്സൺ, നവകേരളം റിസോഴ്സ് പേഴ്സൺ, കുടുംബശ്രീ സി. ഡി. എസ്. ചെയർപേഴ്സൺ എന്നിവർ പങ്കെടുത്തു. ജനറൽ എക്സ്റ്റൻഷൻ ഓഫീസർ ശ്രീ സുബ്രമണ്യൻ പി സി നന്ദി പറഞ്ഞു.
