മലപ്പുറം ഫുട്ബോൾ ക്ലബ്ബിന്റെ കുതിപ്പിനൊപ്പം
മലയാളികളുടെ ഫുട്ബാൾ പ്രേമത്തിന്റെ ഏറ്റവും പുതിയ പതിപ്പായ സൂപ്പർ ലീഗ് കേരളയെ കുറിച്ച് ഇതിനകം
താങ്കൾ മനസിലാക്കിയിട്ടുണ്ടാവുമെന് കരുതുന്നു.കേരളത്തിന്റെ വിവിധ മൈതാനങ്ങളിലായി ലീഗ് മത്സരങ്ങൾ
അരങ്ങേറികൊണ്ടിരിക്കുന്നു. ഈ ലീഗിൽ മലപ്പുറത്തിന്റെ ഫുട്ബാൾ പെരുമക്ക് പുതിയ മാനം നൽകിയ ടീമായി മലപ്പുറം എഫ്.സിയും പങ്കെടുക്കുന്നുണ്ട്. ഫുട്ബാൾ ഞരമ്പുകളിലോടുന്ന മലപ്പുറത്തെ കളിയാരാധകരുടെ ഇഷ്ട
ടീമായി മലപ്പുറം എഫ്.സി മാറി കഴിഞ്ഞിരിക്കുന്നു. ഈ ടീമിനെ പിന്തുണക്കുന്നതിന്റെ ഭാഗമായി മാധ്യമം ‘ഫുട്ബോൾ കാരവനുമായി’ ഫുട്ബാൾ പ്രേമികളിലേക്ക്
വരികയാണ്. മലപ്പുറത്തിന്റെ ഫുട്ബാൾ ചരിത്രത്തിൽ അടയാളപ്പെടുത്തപ്പെട്ട പഴയ താരങ്ങളും കളിമൈതാനത്തെ പ്രകമ്പനം കൊള്ളിക്കുന്ന പുതിയ തലമുറ താരങ്ങളും വിദ്യാർഥികളും വിവിധ ക്ലബുകളുമൊക്കെ ഈ കാരവന്റെ ഭാഗമാവുന്നുണ്ട്. നവംബർ 22ന് രാവിലെ ഒമ്പതിന് പെന്നാണിയിൽ നിന്ന് കാരവന് ഫ്ലാഗ് ഓഫ് ചെയ്യും.എടപ്പാൾ,ചങ്ങരംകുളം എന്നിവിടങ്ങളിൽ പര്യടനം നടത്തും.
പൊതുജനങ്ങൾക്കായി ചെറിയ മത്സരങ്ങളും ആകർഷകമായ സമ്മാനങ്ങളും ഉണ്ടായിരിക്കും. പരിപാടിയിൽ താങ്കളുടെ/സ്കൂളിന്റെ/കൂട്ടായ്മയുടെ/ക്ലബിന്റെ/സംഘടനയുടെ സാന്നിധ്യമുണ്ടാവണമെന്ന് മാധ്യമം ആഗ്രഹിക്കുന്നു.
ഹൃദയപൂർവ്വം,
ഇനാം റഹ്മാൻ
റസിഡന്റ് എഡിറ്റർ
