പൊന്നാനി നിയോജക മണ്ഡലത്തിലെ മാറഞ്ചേരി, വെളിയംകോട് എന്നിവിടങ്ങളിൽ നിർമിക്കുന്ന സ്റ്റേഡിയങ്ങളുടെ പദ്ധതി പ്രദേശം സന്ദർശിച്ചു
പൊന്നാനി: പൊന്നാനി നിയോജക മണ്ഡലത്തിലെ മാറഞ്ചേരി , വെളിയംകോട് എന്നിവിടങ്ങളിൽ
നിർമിക്കുന്ന സ്റ്റേഡിയങ്ങളുടെ പദ്ധതി പ്രദേശം ഇന്ന് കായിക – യുവജന കാര്യാലയം
ഉന്നത ഉദ്യോഗസ്ഥർ സന്ദർശിച്ചു .
2021- 2022 സാമ്പത്തിക വർഷത്തെ
സംസ്ഥാന ബജറ്റിൽ കായിക വകുപ്പിൽ നിന്നും പൊന്നാനിക്ക് അനുവദിച്ച രണ്ടു സ്റ്റേഡിയങ്ങളുടെ DPR തയ്യാറാക്കുന്നതിനായി കായികവകുപ്പ്
എഞ്ചിനീയറിംഗ് ടീമാണ് പദ്ധതി പ്രദേശം
സന്ദർശിച്ചു പരിശോധന നടത്തിയത് .
സ്റ്റേഡിയം നിർമാണം സമയബന്ധിതമായി പൂർത്തീകരിക്കുന്നത്സം ബന്ധിച്ച്
ബഹു. കായികവകുപ്പ് മ ന്ത്രി ശ്രീ. വി.അബ്ദുറഹ്‍മാൻ ,
കായികവകുപ്പ് ഡയറക്ടർ എന്നിവർക്ക് കത്ത് നൽകിയതിൻ്റെ അടിസ്ഥാനത്തിൽ ആണ്കായിക-യുവജനകാര്യാലയം എക്സിക്കൂട്ടീവ് എഞ്ചിനീയർ ശ്രീ .ബിജു , അസിസ്റ്റൻറ് എക്സിക്കൂട്ടീവ് എഞ്ചിനീയർ ശ്രീ.വിഷ്ണുഗോപാൽ എന്നിവരുടെ നേതൃത്വത്തിലുള്ള സംഘം സ്ഥലം സന്ദർശിച്ചത് .
മാറഞ്ചേരി പരിച്ചകം മിനിസ്റ്റേഡിയത്തിന്
രണ്ടര കോടി രൂപയും ഗവ : ഹയർസെക്കണ്ടറി
വെളിയംകോട് സ്റ്റേഡിയത്തിന് മൂന്ന് കോടി രൂപയുമാണ് ബജറ്റിൽ വകയിരുത്തിയിരിക്കുന്നത് .
മാറഞ്ചേരി പരിച്ചകം മിനിസ്‌റ്റേഡിയത്തിൽ അന്തർദേശീയ നിലവാരമുള്ള
സിന്തറ്റിക് ഫുട്ബാൾ കോർട്ട് ,
ഡ്രൈനേജ് സിസ്റ്റം , ഫുട്ബാൾ പുറത്തു പോകാതിരിക്കാൻ ഉയരത്തിലുള്ള
നെറ്റ് ഫെൻസിങ് . ലൈറ്റിംഗ് സംവിധാനം
അടക്കമുള്ള സൗകര്യങ്ങൾ ഉണ്ടായിരിക്കും .
അടുത്തദിവസം തന്നെ ടോട്ടൽ സ്റ്റേഷൻ
സർവ്വേ നടത്തും . ആവശ്യമായ ഉയരത്തിൽ
മണ്ണിട്ട് ഉയർത്തിയാണ് സ്റ്റേഡിയം നിർമ്മിക്കുന്നത് .
വെളിയങ്കോട് ഗവഃ ഹയർ സെക്കണ്ടറി സ്‌കൂൾ സ്റ്റേഡിയത്തിൽ ഫുട്ബാൾ സ്റ്റേഡിയം
ഉയർത്തി നിർമ്മിക്കും . വോളിബാൾ കോർട്ട് ,
ഷട്ടിൽ ബാഡ്മിന്റൺ കോർട്ട് , മറ്റു കായിക ഇനങ്ങൾക്കുള്ള പരിശീലന കോർട്ടുകൾ ,
ലൈറ്റിംഗ് സംവിധാനം എന്നിവയും നിർമ്മിക്കും .
നിർമാണത്തിന്റെ തുടർപ്രവർത്തനങ്ങൾ
എത്രയും ഉടനെ തുടങ്ങാൻ ആകുമെന്ന്
സന്ദർക സംഘം പ്രത്യാശ പ്രകടിപ്പിച്ചു . .
പൊന്നാനി നഗരസഭയിൽ 14 കോടി രൂപ
ചെലവിൽ നിളാ അക്വാട്ടിക്ക് സ്പോർട്സ് പാർക്ക് നിർമാണം ഉടനെ ആരംഭിക്കാനുള്ള
നടപടിയിലേക്ക് നീങ്ങുകയാണ് .
മൂക്കുതല ഗവഃ ഹയർസെക്കണ്ടറി സ്‌കൂളിലും
3 കോടി രൂപ ചെലവിൽ സ്റ്റേഡിയം നിർമിക്കാനുള്ള പ്രവർത്തനങ്ങൾ അവസാന ഘട്ടത്തിലാണ് .
കായിക ഭൂപടത്തിൽ തനതായ പങ്കു വഹിക്കാൻ …
വളർന്നു വരുന്ന നമ്മുടെ കായിക താരങ്ങളെ
പ്രാപ്തമാക്കാനുതകുന്ന പദ്ധതികളാണ്
പൊന്നാനി മണ്ഡലത്തിൽ ആവിഷ്കരിക്കുന്നത് .
മികച്ച സൗകര്യങ്ങളും മികവുറ്റ പരിശീലനവും
ഒരുക്കി കായിക രംഗത്തേക്ക് കൂടുതൽ
കായിക താരങ്ങളെ ഉയർത്തി കൊണ്ടുവരിക
എന്ന ലക്ഷ്യത്തിൻ്റെ ഭാഗമായി അന്താരാഷ്ട്ര
നിലവാരമുള്ള സ്റ്റേഡിയങ്ങൾ നിർമിക്കാൻ
സംസ്ഥാന സർക്കാർ നല്ല പരിശ്രമമാണ്
നടത്തി വരുന്നത് .
പെരുമ്പടപ്പ് ബ്ലോക്ക് പഞ്ചായത്ത് പ്രസിഡന്റ് അഡ്വ.ഇ.സിന്ധു ,മാറഞ്ചേരി പഞ്ചായത്ത്
പ്രസിഡന്റ് ശ്രീമതി. സമീറ എളയേടത്ത് ,
വൈസ് പ്രസിഡന്റ് ശ്രീ.അബ്ദുൽ അസീസ് ,
ബ്ലോക്ക് പഞ്ചായത്ത് അംഗങ്ങളായ ശ്രീ.അജയൻ ,
ശ്രീ. നൂറുദ്ധീൻ , MLA യുടെ പ്രതിനിധി
സാദിക്ക് സാഗോസ് , GHSS വെളിയംകോട്
SMC ചെയർമാൻ ശ്രീ.ഗിരിവാസൻ ,
PTA പ്രതിനിധി അശോകൻ എന്നിവരും
സന്ദർശന സംഘത്തോടൊപ്പം ഉണ്ടായിരുന്നു .
