മലപ്പുറം: ഭരണഭാഷാ വാരാഘോഷത്തോടനുബന്ധിച്ച് മലപ്പുറം ജില്ലാ ഭരണകൂടവും ജില്ലാ ഇന്‍ഫര്‍മേഷന്‍ ഓഫീസും സംയുക്തമായി ജില്ലയിലെ സര്‍ക്കാര്‍ ജീവനക്കാര്‍ക്ക് ക്വിസ് മത്സരം സംഘടിപ്പിച്ചു. മത്സരത്തില്‍ കിഫ്ബി എൽ.എ. ഓഫീസിലെ ക്ലാർക്ക് കൃഷ്ണന്‍ മങ്കട ഒന്നാം സ്ഥാനവും വനിതാ സംരക്ഷണ ഓഫീസിലെ കെ. മുനവ്വിര്‍ രണ്ടാം സ്ഥാനവും പോരൂര്‍ ജി.എച്ച്.എസ്.എസ് ക്ലര്‍ക്ക് എന്‍.പി ചിത്രേഷ് മൂന്നാം സ്ഥാനവും നേടി. സെയ്ദു പുലാശ്ശേരി, കെ. സജീഷ് എന്നിവര്‍ എ പ്ലസ് ഗ്രേഡ് നേടി.
