പ്രവർത്തകരുടെ ആവേശം വാനോളം ഉയർത്തി യുഡിഎഫ് സ്ഥാനാർത്ഥി കെ പി നൗഷാദ് അലിയുടെ തിരഞ്ഞെടുപ്പ് പൊതുയോഗം : തരൂരും, സതീശനും പങ്കെടുത്തു
പൊന്നാനി: പൊന്നാനി നിയോജകമണ്ഡലത്തിലെ യുഡിഎഫ് സ്ഥാനാർത്ഥി കെ.പി. നൗഷാദലിയുടെ തിരഞ്ഞെടുപ്പ് പൊതുയോഗം പ്രവർത്തകരെ ആവേശത്തിൻ്റെ കൊടുമുടിയിൽ എത്തിച്ചു. യോഗത്തിൽ എം.പി. ശശി തരൂർ എംപിയും പ്രതിപക്ഷ നേതാവ് വി ഡി സതീശനും പങ്കെടുത്തു.
മണ്ഡലത്തിന്റെ വിവിധ ഭാഗങ്ങളിൽ നിന്ന് നൂറുകണക്കിന് പ്രവർത്തകരാണ് നേതാക്കളെ കാണാനും അവരുടെ പ്രസംഗങ്ങൾ കേൾക്കാനുമായി എത്തിച്ചേർന്നത്. പ്രവർത്തകരുടെ വലിയ പങ്കാളിത്തം യോഗത്തിന് ആവേശകരമായ അന്തരീക്ഷം സൃഷ്ടിച്ചു.
കെ.പി. നൗഷാദലിയെ ജനപ്രതിനിധിയായി തിരഞ്ഞെടുത്താൽ പൊന്നാനി ജനങ്ങൾക്ക് ഒരിക്കലും ഖേദിക്കേണ്ടി വരില്ലെന്ന് വി.ഡി. സതീശൻ പറഞ്ഞു. എല്ലാ വിഷയങ്ങളിലും വ്യക്തമായ കാഴ്ചപ്പാടും പദ്ധതികളും ഉള്ള മികച്ച സ്ഥാനാർത്ഥിയെയാണ് യുഡിഎഫ് മുന്നോട്ടുവച്ചിരിക്കുന്നതെന്നും അദ്ദേഹം കൂട്ടിച്ചേർത്തു.
യോഗം ശശി തരൂർ എം.പി. ഉദ്ഘാടനം ചെയ്തു . നിയോജകമണ്ഡലം യുഡിഎഫ് ചെയർമാൻ പി.പി. യൂസഫലി അധ്യക്ഷനായി. യോഗത്തിൽ, കെ.പി. നൗഷാദലി എം.എൽ.എയായി തിരഞ്ഞെടുക്കപ്പെട്ടാൽ മണ്ഡലത്തിൽ നടപ്പിലാക്കാൻ ഉദ്ദേശിക്കുന്ന പദ്ധതികളുടെ ലഘുലേഖ വി.ഡി. സതീശൻ പ്രകാശനം ചെയ്തു.
യുഡിഎഫ് നേതാക്കൾ യോഗത്തിൽ പങ്കെടുത്ത് പ്രവർത്തകരെ അഭിസംബോധന ചെയ്തു.
