KERALA
പെരുമ്പിലാവിൽ കെഎസ്ആർടിസി ബസ്സിന് മുന്നിൽ ബൈക്കുകളിൽ സാഹസിക പ്രകടനം നടത്തിയ സംഘത്തിലെ 5 പേർ പോലീസ് കസ്റ്റഡിയിലായി
പെരുമ്പിലാവിൽ കെഎസ്ആർടിസി ബസ്സിന് മുന്നിൽ ബൈക്കുകളിൽ സാഹസിക പ്രകടനം നടത്തിയ സംഘത്തിലെ 5 പേർ പോലീസ് കസ്റ്റഡിയിലായി.. കടവല്ലൂർ പാടത്ത് പീടികയിൽ മുഹമ്മദ് യാസിം (18), അയിനൂർ ആശാരിവീട്ടിൽ നിഖിൽ ദാസ് (20), അരുവായി പാറക്കാട് അതുൽ (22), സഹോദരങ്ങളായ അയിനൂർ മുക്രക്കാട്ടയിൽ സുഷീദ് (27), അഷീദ് (21) എന്നിവരെയാണ് കുന്നംകുളം സ്റ്റേഷൻ ഹൗസ് ഓഫീസർ ഇ.സി സൂരജിന്റെ നേതൃത്വത്തിൽ പിടി കൂടിയത്. പെരുമ്പിലാവ് മുതൽ കുന്നംകുളം വരെയായിരുന്നു യുവാക്കൾ ബൈക്കിലെത്തി സാഹസിക പ്രകടനം നടത്തിയത്. കൂടാതെ യുവാക്കളുടെ ഭാഗത്ത് നിന്നും ബസിലെ സ്ത്രീകൾക്ക് നേരെ അസഭ്യവർഷവും ഉണ്ടായി. ഇന്ന് പുലർച്ചെ 1 മണിക്ക് പെരുമ്പിലാവിൽ നിന്നാണ് മൂന്ന് ബൈക്കുകളിലായി ഏഴ് പേർ ബസിനെ ഫോളോ ചെയ്ത് വന്നത്. ബൈക്ക് യാത്രികർ കല്ലുകൊണ്ട് തൊട്ടിൽപാലം-തിരുവനന്തപുരം ബസിന്റെ വശങ്ങളിൽ ഇടിക്കുകയും ചെയ്തിട്ടുണ്ട്.
