പട്ടാമ്പി: പട്ടാമ്പി പള്ളിപ്പുറം തീരദേശ പാതയിൽ ലോറി മറിഞ്ഞ് അപകടം.തീരദേശ പാതയിൽ പാപ്പായി ജുമാ മസ്ജിദിന് സമീപത്തെ കയറ്റത്തിൽ പട്ടാമ്പി ഭാഗത്ത് നിന്ന് ആലൂരിലേക്ക് തടി കയറ്റി വന്ന ലോറിയാണ് ഞായറാഴച്ച രാത്രി 12 മണിയോടെ നിയന്ത്രണം വിട്ടു മറിഞ്ഞ് അപകടമുണ്ടായത്.
രാത്രി 9 30 ഓടെ ലോറിയുടെ ഒരു വീൽ താഴുകയും തുടർന്ന് വീൽ ഉയർത്താനുള്ള ശ്രമങ്ങൾക്കൊടുവിൽ 12 മണിയോടെ തലകീഴായി ലോറി മറിയുകയായിരുന്നു.
രക്ഷാപ്രവർത്തനത്തിൽ ഏർപ്പെട്ട പ്രദേശവാസിക്ക് നിസ്സാര പരിക്കേറ്റു.മെയിൻ റോഡ് വഴി ഇരുചക്രവാഹനം ഒഴികെയുള്ള വാഹനങ്ങൾക്ക് നിലവിൽ ഗതാഗതം സാധ്യമല്ല.
