ചങ്ങരംകുളം മൂക്കുതലയില് കടന്നല് അക്രമണം’എട്ടോളം പേര്ക്ക് പരിക്ക്
ചങ്ങരംകുളം:കടന്നല് കൂട്ടത്തിന്റെ അക്രമണത്തില് എട്ടോളം തൊഴിലുറപ്പ് തൊഴിലാളികള്ക്ക് പരിക്കേറ്റു.മൂക്കുതല കൊളഞ്ചേരി പാടത്ത് വെള്ളിയാഴ്ച കാലത്താണ് ആണ് സംഭവം.കൊളഞ്ചേരി ക്ഷേത്ര പരിസരത്ത് താമസിക്കുന്ന കദീമ(70)മാലതി(70)സുമ(42)കുഞ്ഞുമോള്(70)സരോജനി(65)തങ്കമണി (58)യശോദ(60)ശാരദ(59) എന്നിവര്ക്കാണ് കന്നലിന്റെ കുത്തേറ്റത്.പരിക്കേറ്റവരെ നാട്ടുകാര് ചേര്ന്ന് പ്രദേശത്തെ പ്രാഥമിക ആരോഗ്യ കേന്ദ്രത്തിലും പിന്നീട് പൊന്നാനി താലൂക്ക് ആശുപത്രിയിലും എത്തിച്ച് ചികിത്സ നല്കി.നിലത്ത് കിടന്ന കടന്നല് കൂടില് അറിയാതെ ചവിട്ടിയതോടെ കടന്നല് കൂട്ടം കൂട്ടത്തോടെ അക്രമിക്കുകയായിരുന്നുവെന്ന് പരിക്കേറ്റവര് പറഞ്ഞു.കദീമ,മാലതി,സുമ,കുഞ്ഞുമോള് എന്നിവര്ക്കാണ് ഗുരുതരമായി പരിക്കേറ്റത്.തലയിലും മുഖത്തും കുത്തേറ്റ പലരും ആശുപത്രിയില് എത്തിച്ചപ്പോഴേക്കും തളര്ന്ന് വീണിരുന്നു.എട്ട് പേരടങ്ങുന്ന സംഘം തൊഴിലുറപ്പ് തൊഴിലാളികളാണ്.ജോലിക്ക് പോകുന്നതിനിടെയാണ് സംഭവം.കദീമയെ യാണ് കടന്നല്കൂട്ടം ആദ്യം അക്രമിച്ചത്.കദീമ ഓടിയതോടെ കൂടെ ഉള്ളവരെയും കടന്നല്കൂട്ടം അക്രമിച്ചു.ഓടി രക്ഷപ്പെട്ടവരെ നാട്ടുകാര് ചേര്ന്നാണ് ആശുപത്രിയില് എത്തിച്ചത്.
ഫോട്ടോ:കടന്നല്കുത്തേറ്റ ഖദീമയും,സരോജിനിയും.
