തൃണമൂല് നേതാവ് മുകുള് റോയിയെ കാണാനില്ലെന്ന് മകൻെറ പരാതി
ഡൽഹിയിലേക്ക് പോയ പിതാവിനെ കുറിച്ച് പിന്നീട് വിവരമില്ലെന്ന് തൃണമൂൽ കോൺഗ്രസ് നേതാവ് മുകുൾ റോയിയുടെ മകൻ പരാതി നൽകി. 68 കാരനായ മുകുൾ റോയ് ഒന്നരവർഷമായി സജീവരാഷ്ട്രീയത്തിൽ ഉണ്ടായിരുന്നില്ല. മകനുമായി വഴക്കിട്ട ശേഷമാണ് അദ്ദേഹം പോയതെന്ന് ബന്ധുക്കൾ പറയുന്നു.
തിങ്കളാഴ്ച ഇൻഡിഗോയുടെ ജി. ഇ 898 വിമാനത്തിലാണ് മുകൾ റോയൽ ഡൽഹിയിലേക്ക് പുറപ്പെട്ടത്. അതിനാൽ എയർപോർട്ട് പോലീസിൽ കാണാതായത് സംബന്ധിച്ച് പരാതി നൽകിയെന്ന് മകൻ സുബാർഗ്ഷു റോയ് പറയുന്നു. എന്നാൽ ഔദ്യോഗികമായി പരാതിയൊന്നും കിട്ടിയിട്ടില്ലെന്ന് പോലീസും പറയുന്നുണ്ട്.
തൃണമൂൽ കോൺഗ്രസിന്റെ സ്ഥാപക നേതാക്കളിൽ ഒരാളാണ് മുകുൾ റോയ്, അദ്ദേഹം നേരത്തെ റെയിൽവേ മന്ത്രിയായിരുന്നു. ശാരീരിക ബുദ്ധിമുട്ടുകളെ തുടർന്ന് ഫെബ്രുവരിയിൽ അദ്ദേഹം ആശുപത്രിയിലായിരുന്നു. 2017 ൽ ബിജെപിയിൽ ചേർന്ന മുകുൾ റോയ് പിന്നീട് തൃണമൂലിലേക്ക് തന്നെ തിരിച്ചെത്തുകയും ചെയ്തു
