തൃക്കാവ് ഗവൺമെന്റ് ഹൈസ്ക്കൂൾ അദ്ധ്യാപകരെ അനുമോദിച്ചു
June 6, 2023
പൊന്നാനി: എസ്.എസ്.എൽ.സി പരീക്ഷയിൽ 100% വിജയം നേടിയ തൃക്കാവ് ഗവൺമെന്റ് ഹൈസ്കൂളിലെ അധ്യാപകരെയും വിദ്യാർത്ഥികളെയും പൊന്നാനി മണ്ഡലം കോൺഗ്രസ് അനുമോദിച്ചു. കെ.പി.സി.സി അംഗം വി. സെയ്തുമുഹമ്മദ് തങ്ങൾ ഹെഡ്മിസ്ട്രസ് കെ വി ബദറുന്നിസക്ക് ഉപഹാരം നൽകി. പരീക്ഷയെഴുതിയ 122 വിദ്യാർത്ഥികളും ഉന്നതമാർക്കോടെ ജയിച്ചപ്പോൾ ചരിത്രം വിജയമാണ് തൃക്കാവ് ഗവൺമെന്റ് ഹയർ സെക്കൻഡറി സ്കൂൾ ഈ വർഷം നേടിയെടുത്തത്. മണ്ഡലം പ്രസിഡന്റ് എം അബ്ദുൽ ലത്തീഫ് അധ്യക്ഷത വഹിച്ചു. ഡി.സി.സി ജനറൽ സെക്രട്ടറി ടി.കെ അഷറഫ്,ബ്ലോക്ക് കോൺഗ്രസ് വൈസ് പ്രസിഡന്റ് എ.പവിത്രകുമാർ, വാർഡ് കൗൺസിലർ ഷബ്ന ആസ്മി, പ്രവാസി കോൺഗ്രസ് ജില്ലാ സെക്രട്ടറി എം.രാമനാഥൻ, ബക്കർ മൂസ, വസുന്ധരൻ, കെ. സദാനന്ദൻ, കെ. മുരളീധരൻ,കോയ മാസ്റ്റർ,കോൺഗ്രസ് ബൂത്ത് പ്രസിഡന്റ് ശിഹാബ്,സതീശൻ പള്ളപ്രം എന്നിവർ സംസാരിച്ചു.
