മലപ്പുറം കലക്ടറുടെ പോസ്റ്റിനു താഴെ അനാവശ്യ കമന്റുകള്‍; പോസ്റ്റ് പിന്‍വലിച്ചു
മലപ്പുറം: മലപ്പുറം ജില്ലയില്‍ നാളെ അവശ്യസാധനങ്ങള്‍ വില്‍ക്കുന്ന കടകളും തുറക്കില്ലെന്ന് ജില്ലാ കലക്ടര്‍. ജില്ലാ കലക്ടര്‍ ബി ഗോപാലകൃഷ്ണന്റെ ഫേസ്ബുക്കിലാണ് ഇതുസംബന്ധിച്ച അറിയിപ്പ് പ്രത്യക്ഷപ്പെട്ടത്. അടിയന്തര ആവശ്യങ്ങള്‍ക്കായുള്ള മെഡിക്കല്‍ സേവനങ്ങള്‍ മാത്രമാകും ഞായറാഴ്ച ജില്ലയില്‍ പ്രവര്‍ത്തിക്കുക എന്ന് അറിയിപ്പില്‍ പറയുന്നു. ഇപ്പോള്‍ സംസ്ഥാനത്ത് മലപ്പുറം ജില്ലയില്‍ മാത്രമാണ് ട്രിപ്പിള്‍ ലോക്ഡൗണുള്ളത്.
അതേ സമയം ഇതു സംബന്ധിച്ച് കലക്ടറുടെ പോസ്റ്റിനു താഴെ അനാവശ്യ കമന്റുകളാണ് പ്രത്യക്ഷപ്പെട്ടത്. ഇതോടെ എഫ്.ബിയില്‍ നിന്ന് പോസ്റ്റ് പിന്‍വലിച്ച് മാധ്യമങ്ങള്‍ക്കായി പ്രത്യേക വാര്‍ത്താക്കുറിപ്പിറക്കുകയായിരുന്നു.
കൊവിഡ് അതിരൂക്ഷ വ്യാപനത്തിന്റെ പശ്ചാത്തലത്തില്‍ കര്‍ശന നിയന്ത്രണങ്ങള്‍ ഏര്‍പ്പെടുത്തേണ്ടത് അനിവാര്യമായ സാഹചര്യത്തിലാണ് തീരുമാനമെന്ന് ജില്ലാ ദുരന്തനിവാരണ ചെയര്‍മാന്‍കൂടിയായ ജില്ലാ കലക്ടര്‍ അറിയിക്കുന്നു. സംസ്ഥാനത്ത് മലപ്പുറം ജില്ലയില്‍ മാത്രമാണ് നിലവില്‍ ട്രിപ്പിള്‍ ലോക്ക്ഡൗണുള്ളത്.
പുഴക്കാട്ടിരി, അങ്ങാടിപ്പുറം, മൂർക്കനാട്, മക്കരപ്പറമ്പ്, മങ്കട, കുറുവ, കൂട്ടിലങ്ങാടി എന്നീ ഭാഗങ്ങളിലെ പ്രാദേശിക വാര്‍ത്തകൾ തത്സമയം നിങ്ങളുടെ മുന്നില്‍
വാർത്തയിലെ നിറം നോക്കാതെ വാർത്തയിൽ വിവേചനം നോക്കാതെ നാട്ടിലെ വാർത്തകൾ നാട്ടുവാർത്തയായി നേരോടെ നിരന്തരം തത്സമയം നിങ്ങളുടെ വിരൽതുമ്പിലെത്താൻ നാട്ടുവാർത്ത whatsApp ഗ്രൂപ്പിൽ അംഗമാകുക
വാര്‍ത്തകള്‍ക്കും പരസ്യങ്ങൾക്കും ബന്ധപ്പെടുക
???? 7510339963
???? 7356144729
