ഞാങ്ങാട്ടിരിയിൽ നിയന്ത്രണം വിട്ട കാർ വ്യാപാര കെട്ടിടത്തിലേക്ക് ഇടിച്ചു കയറി

പട്ടാമ്പി: ഞാങ്ങാട്ടിരിയിൽ നിയന്ത്രണം വിട്ട കാർ പാതയോരത്തെ വ്യാപാര കെട്ടിടത്തിലേക്ക് ഇടിച്ചു കയറി അപകടം. ഞായറാഴ്ച്ച ഉച്ചതിരിഞ്ഞ് മൂന്നരയോടെയാണ് സംഭവം. ഞാങ്ങാട്ടിരി ബദ്രിയ ജുമാ മസ്ജിദിന് സമീപത്തുള്ള കെട്ടിടത്തിലേക്കാണ് വാഹനം ഇടിച്ചുകയറിയത്.
പട്ടാമ്പി ഭാഗത്ത് നിന്ന് കൂറ്റനാട് ഭാഗത്തേക്ക് വരികയായിരുന്നു വാഹനം. ഞാങ്ങാട്ടിരിയിലെ കടയിൽ നിന്ന് സാധനങ്ങൾ വാങ്ങാൻ നിർത്തുമ്പോൾ ആണ് നിയന്ത്രണം വിട്ടത്.

അപകടത്തിന്റെ ആഘാതത്തിൽ പരിസരത്ത് നിർത്തിയിട്ട ബൈക്ക് കാർ ഇടിച്ച് കടയിലേക്ക് കയറി.തിരുമിറ്റക്കോട് രായമംഗലം സ്വദേശികളായ ദമ്പതികളും രണ്ടു കുട്ടികളുമാണ് വാഹനത്തിൽ ഉണ്ടായിരുന്നത്. ആർക്കും പരിക്കില്ല