ചെമ്പിക്കലിൽ നാല് വാഹനങ്ങൾ കൂട്ടിയിടിച്ച് രണ്ട് പേർക്ക് പരിക്ക്
June 4, 2023
ചെമ്പിക്കലിൽ നാലു വാഹനങ്ങൾ കൂട്ടിയിടിച്ച് രണ്ട് പേർക്ക് പരിക്കേറ്റു. തിരൂർ ഭാഗത്തേക്ക് പോവുകയായിരുന്ന ടിപ്പർ ലോറിയിൽ കുറ്റിപ്പുറം ഭാഗത്തേക്ക് പോവുകയായിരുന്ന കാർ ഇരിക്കുകയായിരുന്നു. ഈ കാർ പൊടുന്നനെ ഇടിച്ചു നിന്നതോടെ പിറകിൽ വന്ന മറ്റൊരു കാറും ഇടിച്ചു. ഇടി കണ്ട ഉടൻ റോഡരികിൽ ഒതുക്കാൻ ശ്രമിച്ച വാനിന് നേരെ നിയന്ത്രണം വിട്ട ലോറി ഇടിച്ചു നിന്നു. പരിക്കേറ്റ ഒരാളെ പ്രാഥമിക ചികിത്സ നൽകി വിട്ടയച്ചു. സാരമായി പരിക്കേറ്റ കുറ്റിപ്പുറത്തെ താമസക്കാരനും എടക്കുളം സ്വദേശിയുമായ വെള്ളാടത്ത് പടിഞ്ഞാറേതിൽ അബ്ദുൽ റസാഖിനെ (65)ആലത്തിയൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. അപകടത്തെത്തുടർന്ന് ഏറെനേരം ഗതാഗത സ്തംഭനം ഉണ്ടായി. കുറ്റിപ്പുറം പോലീസ് എത്തിയാണ് ഗതാഗതം പുനഃസ്ഥാപിച്ചത്
