ചാലിശ്ശേരി ഗ്രാമപഞ്ചായത്ത് ഭിന്നശേഷിക്കാർക്ക് സഹായ ഉപകരണങ്ങൾ വിതരണം ചെയ്തു

ചാലിശ്ശേരി: ചാലിശ്ശേരി ഗ്രാമപഞ്ചായത്ത് ഐ.സി.ഡി.എസ്.ന്റെ ആഭിമുഖ്യത്തിൽ പഞ്ചായത്തിലെ ഭിന്നശേഷിക്കാരായവർക്ക് സഹായ ഉപകരണങ്ങൾ നൽകുന്നതിന്റെ ഭാഗമായി ഒന്നാം ഘട്ട വിതരണം നടന്നു.

ഗ്രാമപഞ്ചായത്ത് ഫ്രണ്ട് ഓഫീസിൽ പഞ്ചായത്ത് പ്രസിഡണ്ട് എ.വി.സന്ധ്യ വിതരണ ഉദ്ഘാടനം നിർവ്വഹിച്ചു.വികസന സ്റ്റാന്റിങ് കമ്മിറ്റി ചെയർമാൻ ഹുസൈൻ പുളിയഞ്ഞാലിൽ അധ്യക്ഷത വഹിച്ചു.

പഞ്ചായത്ത് അംഗങ്ങളായ പി.വി.രജീഷ്,സജിത ഉണ്ണികൃഷ്ണൻ, പഞ്ചായത്ത് കോർഡിനേറ്റർ പ്രദീപ് ചെറുവാശ്ശേരി, പഞ്ചായത്ത്‌ സെക്രട്ടറി വി.എ.ഗീത, ഐ.സി.ഡി.എസ്. സൂപ്പർവൈസർ സൗമ്യ എന്നിവർ പങ്കെടുത്തു സംസാരിച്ചു.

ഏഴ് വീൽ ചെയറുകൾ, എൽബോ ക്രച്ചസ്, ഹെയർ ബെഡ്, ബ്രെയിലി വാച്ച് എന്നിവയാണ് ഒന്നാം ഘട്ടത്തിൽ വിതരണം നടത്തിയത്. അടുത്ത ദിവസങ്ങളിൽ തന്നെ ബാക്കി സഹായോ ഉപകരണങ്ങൾ വിതരണം ചെയ്യുമെന്നും, ഭിന്നശേഷിക്കാരുടെ ജീവിത ഉന്നമനത്തിന് ആവശ്യമായ പ്രവർത്തനങ്ങൾ പഞ്ചായത്തിന്റെ ഭാഗത്തുനിന്ന് ഉണ്ടാകുമെന്നും പഞ്ചായത്ത്‌ പ്രസിഡന്റ് എ.വി.സന്ധ്യ പറഞ്ഞു.