രാജ്യത്ത് 24 മണിക്കൂറിനിടെ ആറുപേർ കോവിഡ് മൂലം മരിച്ചു. ഇന്ന് രാവിലെ ആരോഗ്യം മന്ത്രാലയം പുറത്തുവിട്ട കണക്കുകൾ പ്രകാരം ഏഴു മരണങ്ങളാണ് 24 മണിക്കൂറിനുള്ളിൽ റിപ്പോർട്ട് ചെയ്തിട്ടുള്ളത്. അതിൽ ഒരു മരണം കേരളത്തിൽ മുൻപ് നടന്നതാണ്. പിന്നീട് കോവിഡ് മൂലം ആണെന്ന് തിരിച്ചറിഞ്ഞ് കോവിഡ് പട്ടികയിലേക്ക് മാറ്റിയതുമാണ്. ഇതോടെ ആകെ മരണങ്ങൾ 5,31,839 ആയി ഉയർന്നു. 473 പേർക്കാണ് പുതിയതായി കോവിഡ് സ്ഥിരീകരിച്ചത്. സജീവ കേസുകൾ 7,623 ആയി കുറഞ്ഞിട്ടുണ്ടെന്ന് കേന്ദ്ര ആരോഗ്യ മന്ത്രാലയം വ്യക്തമാക്കുന്നു. ഇതുവരെ ആകെ രോഗം ബാധിച്ചവരുടെ 0.02 ശതമാനം പേർക്കാണ് നിലവിൽ രോഗമുള്ളത്. രോഗശമന നിരക്ക് 98.8 0% ആണെന്നും ആരോഗ്യമന്ത്രാലയം വ്യക്തമാക്കുന്നു
