Local newsPONNANI
ഇന്ത്യൻ റെഡ് ക്രോസ് സൊസൈറ്റി റോഡ് സുരക്ഷാ കാമ്പയിൻ സംഘടിപ്പിച്ചു
പൊന്നാനി: ട്രാഫിക് മാസാചരണത്തിൻ്റെ ഭാഗമായി ഇന്ത്യൻ റെഡ് ക്രോസ്സ് സൊസൈറ്റി പൊന്നാനി യൂണിറ്റും മോട്ടോർ വാഹന വകുപ്പും സംയുക്കമായി റോഡ് സുരക്ഷാ കാമ്പയിനും ബോധവൽക്കരണ ക്ലാസ്സുകളും സംഘടിപ്പിച്ചു. റോഡ് സുരക്ഷാ കാമ്പയിൻ ഉൽഘാടനം അസി. മോട്ടോർ വെഹിക്കിൾ ഇൻസ്പെക്ടർ ശ്രീ. P.C അരുൺ കുമാർ നിർവഹിച്ചു.
റെഡ് ക്രോസ്സ് പൊന്നാനി യൂണിറ്റ് ചെയർമാൻ അഡ്വ. ജിസൺ പി ജോസ് അധ്യക്ഷത വഹിച്ച ചടങ്ങിൽ സെക്രട്ടറി അൻസാർ സ്വാഗതവും വൈസ് ചെയർ മാൻ ഡോ. ശംഭു നമ്പൂതിരി നന്ദിയും പറഞ്ഞു. റോഡ് ഉപയോക്താക്കൾക്കുള്ള ബോധവൽക്കരണ നോട്ടീസുകളുടെ വിതരണം ചെയർമാൻ നിർവ്വഹിച്ചു. തുടർന്ന് വിദ്യാർത്ഥികൾ, ഓട്ടോ , ടാക്സി ഡ്രൈവർമാർക്കുമുള്ള ബോധ വൽക്കരണ ക്ലാസ്സുകളും നടന്നു.റെഡ് ക്രോസ്സ് അംഗങ്ങളായ ശങ്കരൻ മാസ്റ്റർ പുറങ്ങ്, ഷംസാദ്, അഷ്റഫ് എന്നിവർ പങ്കെടുത്തു.
