കോടിയേരി ബാലകൃഷ്ണൻ വനിതാ ടി20 ക്രിക്കറ്റ് ടൂര്‍ണമെൻറ്: ട്രിവാൻഡ്രം റോയല്‍സിനെ സജ്ന സജീവൻ നയിക്കും
തിരുവനന്തപുരം: കോടിയേരി ബാലകൃഷ്ണന്റെ സ്മരണാർഥം ഏപ്രില്‍ 13 ന് തലശ്ശേരിയില്‍ ആരംഭിക്കുന്ന വനിതാ ടി20 ക്രിക്കറ്റ് ടൂർണമെന്റിനുള്ള ട്രിവാൻഡ്രം റോയല്‍സ് ടീമിനെ പ്രഖ്യാപിച്ചു.ഇന്ത്യൻ താരം സജന സജീവൻ ആണ് ടീം ക്യാപ്റ്റൻ. ഏപ്രില്‍ 14 ന് രാവിലെ 8 മണിക്ക് നടക്കുന്ന മത്സരത്തില്‍ തൃശൂർ ടൈറ്റൻസ് ആണ് ട്രിവാൻഡ്രം റോയല്‍സിൻറെ ആദ്യ എതിരാളി. എട്ട് ടീമുകളാണ് ടൂർണമെന്റില്‍ പങ്കെടുക്കുന്നത്. തലശ്ശേരി കോണോർവയല്‍ ക്രിക്കറ്റ് സ്റ്റേഡിയത്തില്‍ വച്ചാണ് മത്സരങ്ങള്‍ നടക്കുക.
ട്രിവാൻഡ്രം റോയല്‍സ് ടീമംഗങ്ങള്‍: സജന സജീവൻ ( ക്യാപ്റ്റൻ ), അബിന മാർട്ടിൻ , സാന്ദ്ര എസ്, മാളവിക സാബു, നിയതി അർ മഹേഷ്, പ്രിതിക പി, വിഷ്ണുപ്രിയ, ഇഷ ഫൈസല്‍, മയൂക വി നായർ, നന്ദിനി പി.ടി, റെയ്ന റോസ്, ധനുഷ, നേഹ സിവി, നേഹ ഷിനോയ്, നജ്ല സിഎംസി, സില്‍ ഹ സന്തോഷ്. ടീം കോച്ച്‌ – അനു അശോക്‌, ടീം മാനേജർ – രാജൂ മാത്യൂ🏏 സ്കോറും മറ്റുവിവരങ്ങളും
