Kunamkulam
കുന്നംകുളത്ത് കെഎസ്ആർടിസി ബസുകൾ കൂട്ടിയിടിച്ച് അപകടം
കുന്നംകുളം : കുന്നംകുളത്ത് രണ്ട് കെഎസ്ആർടിസി ബസ്സുകൾ കൂട്ടിയിടിച്ച് ഇരുപതോളം പേർക്ക് പരിക്കേറ്റു.ഇന്നലെ രാത്രി ഏകദേശം 10.15-ഓടെയാണ് അപകടം സംഭവിച്ചത്.കുന്നംകുളം നഗരത്തിൽ വെച്ചാണ് രണ്ട് ബസ്സുകളും കൂട്ടിയിടിച്ചത്.മുന്നിൽ പോയിരുന്ന ചെങ്ങന്നൂർ സൂപ്പർഫാസ്റ്റ് ബസിന് പുറകിൽ കോഴിക്കോട് – തിരുവനന്തപുരം സ്വിഫ്റ്റ് ബസ് ഇടിക്കുകയായിരുന്നു.രണ്ട് ബസ്സുകളിലുമുണ്ടായിരുന്ന ഇരുപതോളം യാത്രക്കാർക്ക് പരിക്കേറ്റു. ആരുടെയും പരിക്ക് നിലവിൽ ഗുരുതരമല്ലെന്നാണ് പ്രാഥമിക വിവരം. പരിക്കേറ്റവരെ ഉടൻ തന്നെ വിവിധ ആശുപത്രികളിൽ പ്രവേശിപ്പിച്ചു. കനത്ത ഗതാഗതക്കുരുക്ക് ഉണ്ടായതിനെ തുടർന്ന് വാഹനങ്ങൾ നിയന്ത്രിക്കാനുള്ള നടപടികൾ പോലീസ് സ്വീകരിച്ചു.
