കക്കിടിപ്പുറം സ്വദേശിയായ യുവാവിനെ കെട്ടിടത്തിൽ നിന്ന് വീണ് മരിച്ച നിലയിൽ കണ്ടെത്തി
ചങ്ങരംകുളം: കക്കിടിപ്പുറം സ്വദേശിയായ യുവാവിനെ കെട്ടിടത്തിൽ നിന്ന് വീണ് മരിച്ച നിലയിൽ കണ്ടെത്തി.
കക്കിടിപ്പുറം സ്കൂളിന് സമീപം താമസിക്കുന്ന പുത്തൻവീട്ടിൽ പരേതനായ കുഞ്ഞുണ്ണി നായരുടെ മകൻ മണികണ്ഠൻ(40)നെയാണ് സമീപപ്രദേശമായ എറവക്കാട് ആളൊഴിഞ്ഞ കെട്ടിടത്തിന്റെ കോണിപ്പടിയിൽ വീണ് മരിച്ച നിലയിൽ കണ്ടെത്തിയത്.ചൊവ്വാഴ്ച കാലത്ത് 6 മണിയോടെ ഇതെ കെട്ടിടത്തിൽ കച്ചവട സ്ഥാപനം നടത്തുന്ന കെട്ടിട ഉടമ കടതുറക്കാനെത്തിയപ്പോഴാണ് യുവാവിനെ കെട്ടിടത്തിന്റെ മുകളിലേക്ക് കയറുന്ന കോണിയിൽ കുടുങ്ങിയ നിലയിൽ കണ്ടെത്തിയത്.കെട്ടിടത്തിൽ നിന്ന് താഴേക്ക് വീണതാവാം എന്നാണ് നിഗമനം.നാട്ടിൻപുറത്ത് എല്ലാ ജോലികളും ചെയ്യുന്ന മണികണ്ഠൻ അവിവാഹിതനാണ്.സാധാരണ ഏറെ വൈകി വീട്ടിൽ എത്തുന്ന മണികണ്ഠൻ തിങ്കളാഴ്ച രാത്രി വീട്ടിലെത്തിയിരുന്നില്ല.ചാലിശ്ശേരി പോലീസ് സ്ഥലത്തെത്തി പരിശോധന നടത്തി.ചങ്ങരംകുളത്തെ സ്വകാര്യ ആശുപത്രിയിൽ എത്തിച്ച മൃതദേഹം ചാലിശ്ശേരി പോലീസ് ഇൻക്വസ്റ്റ് നടത്തി പോസ്റ്റുമോർട്ടത്തിന് ശേഷം ബന്ധുക്കൾക്ക് വിട്ട് കൊടുക്കും. അമ്മ തങ്കമ്മു (പരേത)സഹോദരങ്ങൾ രവി,ഗീത,അജി,അനി
