KERALA
ഓണപ്പരീക്ഷക്ക് തുടക്കമായി സെപ്റ്റംബര് രണ്ടുമുതല് അവധി
പൊതു വിദ്യാഭ്യാസ വകുപ്പിന്റെ കീഴിലുള്ള സ്കൂളുകളില് ഓണപ്പരീക്ഷകൾ ( ഒന്നാം പാദവാര്ഷിക പരീക്ഷകള്) ഇന്ന് ആരംഭിച്ചു.
യുപി, ഹൈസ്കൂള്, സ്പെഷല് സ്കൂള്, ടെക്നിക്കല് ഹൈസ്കൂള് പരീക്ഷകളാണ് ഇന്ന് ആരംഭിച്ചത്.
എല്പി സ്കൂള് പരീക്ഷകള് 28 മുതലാണ് നടക്കുക. കൂളിങ് ഓഫ് സമയം ഉള്പ്പെടുത്തിയാണ് പരീക്ഷാ ടൈംടേബിള് തയ്യാറാക്കിയിട്ടുള്ളത്. സെപ്റ്റംബര് ഒന്നിനാണ് പരീക്ഷകള് അവസാനിക്കുന്നത്.
രണ്ടു വര്ഷത്തെ ഇടവേളയ്ക്ക് ശേഷമാണ് സ്കൂളുകളില് ഓണപ്പരീക്ഷ നടക്കുന്നത്. സെപ്റ്റംബര് രണ്ടിന് ഓണാഘോഷത്തോടെ സ്കൂളുകള് അടയ്ക്കും. ഏതെങ്കിലും പരീക്ഷാദിവസങ്ങളില് സര്ക്കാര് അവധി പ്രഖ്യാപിച്ചാല് അന്നത്തെ പരീക്ഷ സെപ്റ്റംബര് രണ്ടിന് നടത്തുന്നതാണ്.
