PUBLIC INFORMATION
എസ്ഐആര് സമയപരിധി നീട്ടി: അഞ്ച് സംസ്ഥാനങ്ങളിലും ഒരു കേന്ദ്രഭരണ പ്രദേശത്തുമാണ് സമയം നീട്ടിയത്
ന്യൂഡല്ഹി: വോട്ടര് പട്ടിക തീവ്ര പരിഷ്കരണത്തിന്റെ സമയപരിധി നീട്ടി. അഞ്ച് സംസ്ഥാനങ്ങളിലും ഒരു കേന്ദ്ര ഭരണ പ്രദേശത്തുമാണ് സമയം നീട്ടിയത്. തമിഴ്നാട്, ഗുജറാത്ത് എന്നീ സംസ്ഥാനങ്ങളില് ഡിസംബര് 14വരെയും മധ്യപ്രദേശ്, ഛത്തീസ്ഗഢ്, ആന്ഡമാന് നിക്കോബാര് എന്നിവിടങ്ങളില് ഡിസംബര് 18വരെയും ഉത്തര്പ്രദേശില് ഡിസംബര് 26വരെയുമാണ് നീട്ടിയത്. കേരളത്തിലെ എസ്ഐആര് നടപടികള് നേരത്തേ നീട്ടിയിരുന്നു. എന്യൂമറേഷന് ഫോം സമര്പ്പിക്കാനുള്ള തിയതി ഡിസംബര് 18വരെയായിരുന്നു നീട്ടിയത്. ഡിസംബര് 23ന് കരട് പട്ടിക പ്രസിദ്ധീകരിക്കും. അന്തിമപട്ടിക ഫെബ്രുവരി 21നാണ് പ്രസിദ്ധീകരിക്കുക.
