ENTERTAINMENT
‘എഡിറ്റിംഗ് എന്നെയും മാതാവിനേയും കാണിക്കണം’; ഷെയ്ന് നിഗമിന്റെ വിലക്കിന് കാരണമായ കത്ത് പുറത്ത്
സിനിമയുടെ പ്രവര്ത്തങ്ങളെ തടസപെടുത്തുന്നു എന്ന് കാണിച്ചു നിര്മ്മാതാവ് പ്രൊഡ്യൂസേഴ്സ് അസോസിയേഷന്ന് പരാതി നല്കിയിരുന്നു. ഇതിന് പിന്നാലെയാണ് സംഘടനകള് വിലക്കിലേക്ക് കടക്കാന് തീരുമാനിച്ചത്. ബ്രാന്ഡിംഗിലും പ്രൊമോഷനിലും മാര്ക്കറ്റിംഗിലും തന്റെ കഥാപാത്രം മുന്നിട്ട് നില്ക്കണമെന്ന ആവശ്യവും കത്തിലൂടെ ഷെയ്ന് മുന്നോട്ടുവയ്ക്കുന്നുണ്ട്.
ഷെയിനെക്കൂടാതെ യുവനടന് ശ്രീനാഥ് ഭാസിയ്ക്കും സിനിമാ സംഘടനകള് വിലക്കേര്പ്പെടുത്തിയിരുന്നു. ലൊക്കേഷനില് മോശം പെരുമാറ്റമെന്ന വ്യാപക പരാതികളെ തുടര്ന്ന് ഇരുവര്ക്കുമെതിരെ വിലക്കേര്പ്പെടുത്തുകയാണെന്ന് നിര്മാതാക്കളുടെ സംഘടന വ്യക്തമാക്കി. നിര്മാതാക്കളുടെ സംഘടന, അമ്മ, ഫെഫ്ക എന്നീ സംഘടനകളാണ് തീരുമാനമെടുത്തത്. നിര്മാതാക്കളുടെ ആരോപണത്തില് കഴമ്പുണ്ടെന്ന് അമ്മ ജനറല് സെക്രട്ടറി ഇടവേള ബാബു പറഞ്ഞു.
