CHANGARAMKULAMLocal news
ഇനി കേരള ബ്ലാസ്റ്റേഴ്സ് ടീമിൽ ചങ്ങരംകുളം സ്വദേശി നെസൽ നൂറുദ്ധീൻ
ചങ്ങരംകുളം : ഇന്ത്യൻ സൂപ്പർ ലീഗിൽ ഏറ്റവും കൂടുതൽ ആരാധകരുള്ള കേരള ബ്ളാസ്റ്റേഴ്സ് അണ്ടർ -18 ടീമിൽ ഇടം നേടി ചങ്ങരംകുളം സ്വദേശി.ചെറുപ്പം മുതൽ തന്നെ മെയ് വഴക്കവും പന്തടക്കവും കാഴ്ച വെച്ചിരുന്ന ആലംകോട് പഞ്ചായത്തിലെ പാവിട്ടപ്പുറം മാങ്കുളം സ്വദേശി നെസൽ നൂറുദ്ധീനാണ് കാൽപ്പന്ത് കളിയിൽ തന്റേതായാ കഠിനാധ്വാനത്തിലൂടെയാണ് ബ്ളാസ്റ്റേഴ്സിൽ എത്തിയത് . വീട്ടുകാരുടെയും നാട്ടുകാരുടെയും അകമഴിഞ്ഞ പിന്തുണയാണ് താരത്തിന് ഉയരങ്ങളിലെത്താനുള്ള പ്രചോദനം. ചങ്ങരംകുളം പവിട്ടപ്പുറം സ്വദേശിയും പരേതനായ മുൻ അസ്സബാഹ് ട്രസ്റ്റ്‌ പ്രസിഡന്റുമായ പി .കെ. ഇബ്രാഹിം കുട്ടി മാസ്റ്റർ(മൗലവി)യുടെ പേരകുട്ടിയാണ് നെസൽ.പിതാവ് കിഴിഞ്ഞാലിൽ നൂറുദ്ധീൻ യുഎഇ യിൽ ബിസിനസ്സ് ചെയ്യുന്നു ഉമ്മ നൗറത്ത് അക്യൂപങ്ചർ സ്പെഷ്യലിസ്റ്റാണ്.
