KERALA
ആരോഗ്യമന്ത്രിയുടെ നേതൃത്വത്തില് ഇന്ന് ഉന്നതതല യോഗം
തിരുവനന്തപുരം: സംസ്ഥാനത്ത് കൊവിഡ് സാഹചര്യം വിലയിരുത്താൻ ആരോഗ്യവകുപ്പ് ഇന്ന് ഉന്നതതല യോഗം ചേരും. ആരോഗ്യ വകുപ്പ് മന്ത്രി വീണാ ജോർജിന്റെ നേതൃത്വത്തിലാണ് യോഗം ചേരുക. വൈകിട്ട് അഞ്ച് മണിക്കാണ് യോഗം നടക്കുക. ആരോഗ്യ വകുപ്പിലെ ഉന്നത ഉദ്യോഗസ്ഥർ യോഗത്തിൽ പങ്കെടുക്കും.
സംസ്ഥാനത്തെ കൊവിഡ് കേസുകൾ വീണ്ടും നേരിയ തോതിൽ ഉയരുന്ന സാഹചര്യത്തിലാണ് യോഗം ചേരുന്നത്. കൊവിഡ് നിയന്ത്രണങ്ങൾ തിരികെ കൊണ്ടുവരേണ്ടതുണ്ടോ എന്നതും യോഗത്തിൽ ചർച്ചയാവാൻ സാധ്യതയുണ്ട്.
