അവകാശങ്ങളും ആനുകൂല്യങ്ങളും നേടാനുള്ള പോരാട്ടത്തിനൊപ്പം സാമൂഹിക പ്രതിബദ്ധത കൂടി പെൻഷൻകാർ ഉൾക്കൊള്ളണം : അബ്ദുസമദ് സമദാനി. എം പി
തൃത്താല: അവകാശങ്ങളും ആനുകൂല്യങ്ങളും നേടാനുള്ള പോരാട്ടത്തിനൊപ്പം സാമൂഹിക പ്രതിബദ്ധതയുള്ള ഒരു സമൂഹത്തെ വാർത്തെടുക്കാനുള്ള ഉത്തരവാദിത്വം കൂടി പെൻഷൻകാർ ഏറ്റെടുക്കണമെന്ന് എം പി അബ്ദുൽ സമദ് സമദാനി എം പി അഭിപ്രായപ്പെട്ടു. കെ എസ് എസ് പി എ തൃത്താല നിയോജക മണ്ഡലം കമ്മിറ്റി സംഘടിപ്പിച്ച കുടുംബ സംഗമവും ചങ്ങമ്പുഴ ഖണ്ഡകാവ്യ പുരസ്‌കാര ജേതാവ് ഉഷ കുമ്പിടിക്കുള്ള അനുമോദന ചടങ്ങും ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. പ്രസിഡന്റ്‌ പി ഇബ്രാഹിം കുട്ടിയുടെ അധ്യക്ഷതയിൽ നടന്ന ചടങ്ങിൽ സി വി ബാലചന്ദ്രൻ, കെ വി മരക്കാർ, പി വി മുഹമ്മദ്‌ അലി, പി ബാലൻ, പി ബാലകൃഷ്ണൻ, പി പോൾ, കെ പി റഷീദ്, കെ മൂസക്കുട്ടി, രാജൻ പൊന്നുള്ളി, വി ആർ റിഷബദേവൻനമ്പൂതിരി, ദാസ് പടിക്കൽ, യു വിജയകൃഷ്ണൻ, വി എ ശ്രീനിവാസൻ, കെ വി രമ, മുരളി മൂത്താട്ട് വി ടി ഉണ്ണികൃഷ്ണൻ, കെ മൊയ്‌ദീൻ കുട്ടി തുടങ്ങിയവർ പ്രസംഗിച്ചു. വി കെ ഉണ്ണികൃഷ്ണൻ സ്വാഗതവും, പി വി നാരായണൻ നന്ദിയും പറഞ്ഞു. അംഗങ്ങളുടെ വിവിധ കലാപരിപാടികളും ഉണ്ടായിരുന്നു.
