EDAPPAL
അബ്ദുൽ മനാഫ് അനുസ്മരണ സന്നദ്ധ രക്തദാന ക്യാമ്പ് സംഘടിപ്പിച്ചു
എടപ്പാൾ: അകാലത്തിൽ പൊലിഞ്ഞ ജീവകാരുണ്യ പ്രവർത്തകനും ബ്ലഡ് ഡൊണേഴ്സ് കേരള മലപ്പുറം ജില്ലാ കമ്മിറ്റി അംഗവുമായ അബ്ദുൽ മനാഫ് പൊന്നാനിയുടെ അനുസ്മരണാർത്ഥം ബി ഡി കെ പൊന്നാനി താലൂക്ക് കമ്മിറ്റിയും എടപ്പാൾ ഗ്ലോബൽ ഫിറ്റ്നസ് സെന്ററും സംയുക്തമായി തൃശൂർ അമല ഹോസ്പിറ്റൽ ബ്ലഡ് സെന്ററിന്റെ സഹകരണത്തോടെ എടപ്പാൾ ഗ്ലോബൽ ഫിറ്റ്നസ് സെന്ററിൽ വെച്ച് സന്നദ്ധ രക്തദാന ക്യാമ്പ് സംഘടിപ്പിച്ചു. ക്യാമ്പ് ഗ്ലോബൽ ഫിറ്റ്നസ് മാനേജിങ് ഡയരക്ടർമാരായ, സി.വി ഷൗക്കത്ത്. ,കെ. വി റഹീം ചേർന്ന് രക്തദാനം ചെയ്ത് ഉദ്ഘാടനം നിർവഹിച്ചു, ക്യാമ്പിൽ 60 പേർ രജിസ്റ്റർ ചെയ്യുകയും 52 പേർ സന്നദ്ധ രക്തദാനം നിർവ്വഹിക്കുകയും ചെയ്തു. ക്യാമ്പിന് ഗ്ലോബൽ ഫിറ്റ്നസ് മാനേജ്മെന്റും ബിഡികെ ജില്ലാ, താലൂക്ക്, എയ്ഞ്ചൽസ് വിംഗ് അംഗങ്ങളും ചേർന്ന് നേതൃത്വം നൽകി.
