വയനാട് തുരങ്കപാത; പാറതുരക്കല് മുഖ്യമന്ത്രി ഉദ്ഘാടനം ചെയ്തു
കോഴിക്കോട്: വയനാട് തുരങ്കപാതയുടെ പാറതുരക്കല് മുഖ്യമന്ത്രി ഉദ്ഘാടനം ചെയ്തു. ഒന്നാം എല്ഡിഎഫ് സര്ക്കാരിന്റെ കാലത്ത് ആരംഭിച്ച പദ്ധതിയാണ് വയനാട് തുരങ്കപാത. കൊങ്കണ് റെയില്വേ കോര്പ്പറേഷന്റെ മേല്നോട്ടത്തിലാണ് നിര്മ്മാണ പ്രവര്ത്തനങ്ങള് നടക്കുന്നത്. കിഫ്ബിയില് നിന്ന് 2134.50 കോടി രൂപ ചെലവഴിച്ചാണ് സര്ക്കാരിന്റെ ഈ സ്വപ്ന പദ്ധതി നടപ്പിലാക്കുന്നത്. ഏകദേശം 8.7 കിലോമീറ്റര് നീളമുള്ള തുരങ്കപാത പൂര്ത്തിയാകുന്നതോടെ കോഴിക്കോട് – വയനാട് യാത്രാസമയം പകുതിയായി കുറയും. ആനക്കാംപൊയില് മുതല് മേപ്പാടി വരെ ഏകദേശം 8.7 കിലോമീറ്റര് ആണ് തുരങ്കപാതയുടെ ദൂരം. 2000 കോടിയിലധികം രൂപയാണ് ചെലവ്. പരിസ്ഥിതി സൗഹൃദമായ രീതിയില് അത്യാധുനിക സാങ്കേതികവിദ്യ ഉപയോഗിച്ചാണ് തുരങ്കം നിര്മ്മിക്കുന്നത്. പദ്ധതിയുടെ ഒന്നാം ഘട്ടമായ ഭൂമി ഏറ്റെടുക്കല് നടപടികള് നേരത്തെ തന്നെ പൂര്ത്തിയായിരുന്നു.ആനക്കാംപൊയില് – കള്ളാടി – മേപ്പാടി തുരങ്കപാത യാഥാര്ത്ഥ്യമാകുന്നതോടെ വയനാടന് ചുരത്തിലെ ഗതാഗതക്കുരുക്കിന് ശാശ്വത പരിഹാരമാകും.
