കോലിക്കരയിൽ ഓട്ടോ ഓടിക്കുന്നതിനിടെ ഓട്ടോറിക്ഷയിൽ ഇരുന്ന് ഓട്ടോ ഡ്രൈവർ മരിച്ചു; മരിച്ചത് ചങ്ങരംകുളത്തേക്ക് ഓട്ടം വന്ന കുന്നംകുളത്തെ ഓട്ടോ ഡ്രൈവർ
May 23, 2023
ചങ്ങരംകുളത്തേക്ക് ഓട്ടം വന്ന കുന്നംകുളത്ത് ഓട്ടോ ഡ്രൈവർ ഓട്ടോ ഓടിക്കുന്നതിനിടെ ഓട്ടോറിക്ഷയിൽ ഇരുന്ന് മരണപ്പെട്ടു. കുന്നംകുളത്തെ ഓട്ടോറിക്ഷ ഡ്രൈവറായ ചൂണ്ടൽ സ്വദേശി കൈനിമംഗലം ജോഫി (53) ആണ് ഓട്ടോയിൽ ഇരുന്നു മരിച്ചത്. തിങ്കളാഴ്ച ഉച്ചയോടെ ചങ്ങരംകുളത്തേക്ക് ഓട്ടം വന്നതിനുശേഷം തിരിച്ചു പോകുന്നതിനിടെ കോലിക്കരയിൽ വച്ച് ശാരീരിക അസ്വസ്ഥതയെ തുടർന്ന് ഓട്ടോറിക്ഷ റോഡരികിൽ നിർത്തുകയായിരുന്നു. സംശയം തോന്നിയാൽ നാട്ടുകാർ ജോഫിയെ പെരുമ്പിലാവ് അൻസാർ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. ഹൃദയാഘാതം ആണ് മരണകാരണം എന്നാണ് പ്രാഥമിക നിഗമനം. ജോഫി അവിവാഹിതനാണ് പെരുമ്പിലാവ് ആശുപത്രിയിൽ മോർച്ചറിയിൽ സൂക്ഷിച്ചാൽ മൃതദേഹം നടപടിക്രമങ്ങൾ പൂർത്തിയാക്കി ബന്ധുക്കൾക്ക് വിട്ടുകൊടുക്കും
