അടിസ്ഥാന വിദ്യാഭ്യാസത്തോടൊപ്പം സർഗ്ഗവാസനകളെയും പ്രോത്സാഹിപ്പിക്കണം – അഡ്വ. എ.പി. സ്മിജി
കോക്കൂർ:കുട്ടികളുടെ അടിസ്ഥാന വിദ്യാഭ്യാസത്തോടൊപ്പം അവരുടെ സർഗ്ഗവാസനകളെയും കലാപ്രതിഭകളെയും പ്രോത്സാഹിപ്പിക്കേണ്ടതിന്റെ പ്രാധാന്യം മലപ്പുറം ജില്ലാ പഞ്ചായത്ത് വൈസ് പ്രസിഡന്റ് അഡ്വ. എ.പി. സ്മിജി.കുട്ടികളുടെ ജീവിതത്തിൽ എന്നും പച്ചപിടിച്ചു നിൽക്കുന്ന മധുരമായ ഓർമ്മകൾ സമ്മാനിക്കുന്ന വേദികളാണ് കലോത്സവങ്ങളെന്നും, സമ്മാനങ്ങൾ നേടുക എന്നതിലുപരി പങ്കാളിത്തമാണ് അതിന്റെ യഥാർത്ഥ ലക്ഷ്യമെന്നും അവർ പറഞ്ഞു. കുട്ടികളുടെ ഭാവി സുരക്ഷിതമാക്കുന്നതിൽ കലോത്സവങ്ങൾക്ക് വലിയ പങ്കുണ്ടെന്നും, അതിനാൽ തന്നെ ഇവയെ ഗൗരവപൂർവ്വം സമീപിക്കണമെന്നും അഡ്വ. സ്മിജി കൂട്ടിച്ചേർത്തു.വളയംകുളം എം.വി.എം. റെസിഡൻഷ്യൽ ഹയർ സെക്കൻഡറി സ്കൂളിൽ നടക്കുന്ന കെ.പി.എസ്.എ എടപ്പാൾ ഏരിയ കിഡ്സ് ഫെസ്റ്റിൽ പങ്കെടുത്ത് സംസാരിക്കുകയായിരുന്നു അവർ.പരിപാടിയിൽ മലപ്പുറം ജില്ലാ പഞ്ചായത്ത് അംഗം അഷ്ഹർ പെരുമുക്ക്, വി.കെ.എം. ഷാഫി, പി.പി. യൂസഫലി, എ.പി. അഷ്റഫ്, പി.ഐ. മുജീബ് റഹ്മാൻ എന്നിവർ പ്രസംഗിച്ചു.
