ശക്തമായ കാറ്റ്; എടപ്പാൾ മേഖലയിൽ വ്യാപക നാശനഷ്ടം

എടപ്പാൾ: ബുധനാഴ്ച രാത്രിയിലുണ്ടായ ശക്തമായ കാറ്റിൽ എടപ്പാൾ മേഖലയിൽ വ്യാപക നാശനഷ്ടം വരുത്തി.
പെരുമ്പറമ്പ് കല്ലിങ്ങൽ അബൂക്കറിൻ്റെ വീടിന് മുകളിലേക്ക് തെങ്ങ് പൊട്ടി വീണ് മേൽക്കൂര തകർന്നു.തട്ടാൻ പറമ്പിൽ ഷനോജിൻ്റെ വീടിൻ്റെ വീടിൻ്റെ
മേൽക്കൂരയും തകർന്ന് വീണു. പെരുമ്പറമ്പ് ജി എൽ പി സ്കൂളിൻ്റെ പാചകപ്പുരയുടെ മുകളിലേക്കും മരം പൊട്ടി വീണു.
വട്ടംകുളം പഞ്ചായത്ത് ഓഫീസിനോട് ചേർന്നുള്ള തെങ്ങ് റോഡിലേക്ക് പൊട്ടി വീണത് ഗതാഗത തടസ്സം സൃഷ്ടിച്ചു. നിരവധി വീടുകൾക്ക് മുകളിൽ സ്ഥാപിച്ചിരുന്ന ഷീറ്റുകൾ അടർന്ന് വീണു. പലയിടത്തും ഇലക്ട്രിക് ലൈനിലേക്കും മരങ്ങൾ പൊട്ടി വീണു. ഇതോടെ വൈദ്യുതി ലൈനുകളും തകരാറിലായി. കാറ്റ് കാർഷിക മേയലയ്ക്കും കാര്യമായ നാശ നഷ്ടം വരുത്തി വച്ചു. ബുധനാഴ്ച രാത്രി ഒമ്പത് മണിയോടെയാണ് ശക്തിയാർജിച്ച കാറ്റ് വീശിയടിച്ചത്.