മഴമൂലം തകര്‍ന്ന വീടുകളുടെ ബലക്ഷയം കണക്കിലെടുത്ത് നഷ്ടപരിഹാരം നല്‍കണമെന്ന് ജില്ലാ വികസനസമിതി യോഗത്തില്‍ പ്രമേയം. പ്രളയ ദുരിതാശ്വാസ ഫണ്ടില്‍ നിന്നോ ലൈഫ് മിഷന്‍ ഫണ്ടില്‍ നിന്നോ നാല് ലക്ഷം രൂപയെങ്കിലും നഷ്ടപരിഹാരമായി അനുവദിക്കണമെന്ന പ്രമേയം കെ.ഡി. പ്രസേനനന്‍ എം.എല്‍.എയാണ് അവതരിപ്പിച്ചത്. പ്രമേയത്തെ പി.പി സുമോദ് എം.എല്‍.എ പിന്‍താങ്ങി. സപ്ലൈകോ നെല്ല് സംഭരണവുമായി ബന്ധപ്പെട്ട് സംഭരണ തുക കൈമാറുന്നതിനുള്ള കാലതാമസം ഒഴിവാക്കുന്നതില്‍ ബാങ്കുകളുമായി ബന്ധപ്പെട്ട് വേണ്ട നടപടി സ്വീകരിക്കണമെന്ന് ജില്ലാ കലക്ടര്‍ ഡോ.എസ് ചിത്ര ലീഡ് ബാങ്ക് മാനേജര്‍ക്ക് യോഗത്തില്‍ നിര്‍ദ്ദേശം നല്‍കി. ഇതോടൊപ്പം നെല്‍ കര്‍ഷകര്‍ക്ക് ഇതുവരെ നല്‍കാനുള്ള തുക പത്ത് ദിവസത്തിനുള്ളില്‍ നല്‍കണമെന്നും ജില്ലാ വികസനസമിതി യോഗത്തില്‍ നിര്‍ദ്ദേശം നല്‍കി.
വി.എഫ്.പി.സി.കെ (വെജിറ്റബിള്‍ ആന്റ് ഫ്രൂട്ട്സ് പ്രമൊഷന്‍ കൗണ്‍സില്‍) മുഖേന പച്ചത്തേങ്ങ സംഭരണം പുനരാരംഭിക്കണമെന്ന് ബന്ധപ്പെട്ട് ഉദ്യോഗസ്ഥര്‍ക്ക് ജില്ലാ കലക്ടര്‍ നിര്‍ദ്ദേശം നല്‍കി. രമ്യാ ഹരിദാസ് എം.പിയുടെ പ്രതിനിധി പി.മാധവന്റെ ആവശ്യപ്രകാരമാണ് നിര്‍ദ്ദേശം. പട്ടാമ്പി താലൂക്കില്‍ പച്ചത്തേങ്ങ സംഭരണ കേന്ദ്രം ആരംഭിക്കാന്‍ സാധിക്കുമോ എന്നത് പരിശോധിച്ച് വരികെയാണെന്നും പ്രിന്‍സിപ്പല്‍ കൃഷി ഓഫീസര്‍ യോഗത്തില്‍ വ്യക്തമാക്കി. പട്ടാമ്പി താലൂക്ക് ആശുപത്രിയിലെ സൗകര്യങ്ങള്‍ കാര്യക്ഷമമാക്കണമെന്ന് മുഹമ്മദ് മുഹ്സിന്‍ എം.എല്‍.എയും ഒറ്റപ്പാലം താലൂക്ക് ആശുപത്രിയില്‍ രക്തബാങ്ക് ആരംഭിക്കുന്നതിനുള്ള നടപടികള്‍ വേഗത്തിലാക്കണമെന്നും കെ. പ്രേംകുമാര്‍ എം.എല്‍.എയും യോഗത്തില്‍ ആവശ്യപ്പെട്ടു. കൊട്ടേക്കാട് പ്രത്യേകമായി കാന്‍സര്‍ ക്യാമ്പ് നടത്തണമെന്ന ആവശ്യം എ. പ്രഭാകരന്‍ എം.എല്‍.എ മുന്നോട്ട് വച്ചു.പെരുമാട്ടി പഞ്ചായത്തിലെ പി.എം.ജി.എസ്.വൈ ല്‍ ഉള്‍പ്പെട്ട കമ്പാലത്തറ റോഡിന്റെ ബാക്കിയുള്ള പ്രവര്‍ത്തികള്‍ ഓഗസ്റ്റ് 30നകം പൂര്‍ത്തീകരിച്ച് റിപ്പോര്‍ട്ട് ചെയ്യണമെന്ന് മന്ത്രി കെ.കൃഷ്ണന്‍കുട്ടിയുടെ പ്രതിനിധി എസ്.വിനോദ് ബാബു യോഗത്തില്‍ ആവശ്യപ്പെട്ടു. ഒഴലപ്പതി റോഡില്‍ അമിതഭാരം കയറ്റിയ വാഹനങ്ങള്‍ സഞ്ചരിക്കുന്നത് തടയുന്നതിന് സംയുക്ത പരിശോധന നടത്തണമെന്നും നിര്‍ദ്ദേശം ലംഘിക്കുന്നവര്‍ക്കെതിരെ കേസെടുക്കണമെന്നും ബന്ധപ്പെട്ട ഉദ്യോഗസ്ഥര്‍ക്ക് എം.എല്‍.എ എ പ്രഭാകരന്‍, മന്ത്രി കെ.കൃഷ്ണന്‍കുട്ടിയുടെ പ്രതിനിധി എസ്.വിനോദ് ബാബു എന്നിവര്‍ നിര്‍ദ്ദേശം നല്‍കി.പി.എം.ജി.എസ്.വൈ പദ്ധതിയില്‍ ഉള്‍പ്പെട്ട പൊരിയാനി കരിമണി റോഡ്, കഞ്ചിക്കോട് ബി.ഇ.എം.എല്‍ റോഡ്, തെക്കേ മലമ്പുഴ റോഡ് എന്നിവിടങ്ങളിലെ നവീകരണ പ്രവര്‍ത്തനങ്ങള്‍ക്കായി മരം മുറിയ്ക്കുന്നതിന് വനംവകുപ്പിന്റെ നടപടികള്‍ വേഗത്തിലാക്കണമെന്ന് ജില്ലാ കലക്ടര്‍ ബന്ധപ്പെട്ട ഉദ്യോഗസ്ഥര്‍ക്ക് നിര്‍ദ്ദേശം നല്‍കി. എം.എല്‍.എഎ.മാരായ എ. പ്രഭാകരന്‍, അഡ്വ.കെ.ശാന്തകുമാരി എന്നിവരുടെ ആവശ്യപ്രകാരമാണ് നടപടി. പട്ടാമ്പി മണ്ഡലത്തിലെ പല പഞ്ചായത്തുകളിലെ ജല ദൗര്‍ലഭ്യവും ഓവര്‍ ലോഡിനാല്‍ പൈപ്പ് പൊട്ടി കുടിവെള്ളം പാഴാകുന്നതും തടയുന്നതിന് വിവിധ പ്രദേശങ്ങളില്‍ ചെറിയ ടാങ്കുകള്‍ സ്ഥാപിച്ച് ഈ പ്രശ്നം പരിഹരിക്കാമെന്നത് ഉചിതമാണെന്ന് എം.എല്‍.എ മുഹമ്മദ് മുഹ്സിന്‍ അഭിപ്രായപ്പെട്ടു. ഇതിന് വേണ്ട നടപടി സ്വീകരിക്കുമെന്നും കൊപ്പം- വിളയൂര്‍ പഞ്ചായത്തുകളില്‍ ജലജീവന്‍ മിഷന്‍ പ്രവര്‍ത്തനവുമായി ബന്ധപ്പെട്ട് പൈപ്പ് സ്ഥാപിക്കുന്നത് പൂര്‍ത്തീകരിച്ചുവെന്നും ഗ്രാമപഞ്ചായത്തുകള്‍ നല്‍കുന്ന മുന്‍ഗണനാ ക്രമത്തില്‍ ജലവിതരണം ആരംഭിച്ചുവെന്നും മറുപടിയായി ബന്ധപ്പെട്ട ഉദ്യോഗസ്ഥര്‍ യോഗത്തില്‍ വ്യക്തമാക്കി. കനാലുകള്‍ വൃത്തിയാക്കുന്നതിനായി ത്രിതലപഞ്ചായത്തുകള്‍ ഉദ്പാദനമേഖലയിലേക്കുള്ള ഫണ്ടിന്റെ നിശ്ചിത ശതമാനം മാറ്റിവയ്ക്കുന്നതിനായുള്ള അടിയന്തര നടപടികള്‍ സ്വീകരിക്കണമെന്നും ജില്ലാ ഭരണകൂടം അതിന് നേതൃത്വം നല്‍കണമെന്നും എം.എല്‍.എമാരായ കെ.ബാബു, എ.പ്രഭാകരന്‍, കെ.ഡി. പ്രസേനന്‍ എന്നിവര്‍ ആവശ്യപ്പെട്ടു. തദ്ദേശ സ്വയംഭരണ സ്ഥാപനങ്ങളുടെ ഉദ്പാദനമേഖലയിലേക്കുള്ള ഫണ്ടിന്റെ 40 ശതമാനം കനാലുകള്‍ നവീകരിക്കുന്നതിനായി മാറ്റിവയ്ക്കുമെന്ന് ജില്ലാ പ്ലാനിങ് ഓഫീസര്‍ ഏലിയാമ്മ നൈനാന്‍് മറുപടിയായി പറഞ്ഞു. ശ്രീകൃഷ്ണപുരം, തിരുവാഴിയോട് മേഖലകളില്‍ വര്‍ദ്ധിച്ചുവരുന്ന മയക്കുമരുന്ന് ഉപയോഗം തടയുന്നതിന് പൊലീസ്-എക്സൈസ് സത്വര നടപടി സ്വീകരിക്കണമെന്ന് എം.എല്‍.എ കെ.പ്രേംകുമാര്‍ ആവശ്യപ്പെട്ടു. ഇന്ദിരാനഗര്‍ കോളനിയില്‍ പട്ടയമില്ലാത്ത അര്‍ഹരായവര്‍ക്ക് പട്ടയമേളയില്‍ ഉള്‍പ്പെടുത്തി പട്ടയം അനുവദിക്കുന്നതിനായി നടപടി സ്വീകരിക്കാന്‍ തഹസില്‍ദാര്‍ക്ക് നിര്‍ദ്ദേശം നല്‍കാന്‍ ഡെപ്യൂട്ടി കലക്ടര്‍ക്ക് ജില്ലാ കലക്ടര്‍ നിര്‍ദ്ദേശം നല്‍കി. റോഡരികില്‍ നില്‍ക്കുന്ന അപകടകരമായ മരങ്ങള്‍ ലേലം വിളിച്ചിട്ടും ആരും മുറിക്കാന്‍ തയ്യാറായില്ലെങ്കില്‍ മരങ്ങള്‍മുറിച്ചുമാറ്റുന്നതിനുള്ള പൊതുതീരുമാനം എടുക്കണമെന്നും എം.എല്‍.എമാര്‍ക്കിടയില്‍ അഭിപ്രായമുണ്ടായി. ജില്ലാ കലക്ടര്‍ ഡോ.എസ്.ചിത്രയുടെ അധ്യക്ഷതയില്‍ കലക്ട്രേറ്റ് കോണ്‍ഫറന്‍സ് ഹാളില്‍ ചേര്‍ന്ന യോഗത്തില്‍ എം.എല്‍.എമാരായ കെ.ബാബു, അഡ്വ. കെ.ശാന്തകുമാരി, എ.പ്രഭാകരന്‍, മുഹമ്മദ് മുഹ്സിന്‍, കെ. പ്രേംകുമാര്‍, കെ.ഡി. പ്രസേനന്‍, പി.പി. സുമോദ്, വൈദ്യുത വകുപ്പ് മന്ത്രിയുടെ പ്രതിനിധി എസ്. വിനോദ് ബാബു, രമ്യ ഹരിദാസ് എം.പിയുടെ പ്രതിനിധി പി.മാധവന്‍, സബ് കലക്ടര്‍ ഡി. ധര്‍മ്മലശ്രീ, എ.ഡി.എം കെ.മണികണ്ഠന്‍, ആര്‍.ഡി.ഒ. ഡി അമൃതവല്ലി, ജില്ലാ പ്ലാനിങ് ഓഫീസര്‍ ഏലിയാമ്മ നൈനാന്‍, ജില്ലാ ഫോറസ്റ്റ് ഓഫീസര്‍ കുറ ശ്രീനിവാസ്, വകുപ്പ് മേധാവികള്‍, മറ്റ് ഉദ്യോഗസ്ഥര്‍ എന്നിവര്‍ പങ്കെടുത്തു.
തിരുവനന്തപുരം: വക്കത്ത് കായല്‍ക്കരയില്‍ യുവാവിനെ തൂങ്ങിമരിച്ച നിലയില്‍ കണ്ടെത്തി. സ്വകാര്യ സൂപ്പർമാർക്കറ്റിലെ സെയില്‍സ്മാൻ ആയിരുന്ന വെളിവിളാകം (ആറ്റൂർ തൊടിയില്‍) ബി.എസ്…
കോൺഗ്രസിലെ മുഖ്യമന്ത്രി സ്ഥാനാർഥിയെ കുറിച്ചുള്ള പിണറായി വിജയന്റെ പരിഹാസത്തിന് മറുപടിയുമായി വിഡി സതീശൻ. കോൺഗ്രസിൽ താനടക്കം ആരും മുഖ്യമന്ത്രി സ്ഥാനാർഥിയല്ല.…
തിരുവനന്തപുരം: പാറശ്ശാല ഷാരോണ്‍ വധക്കേസില്‍ കുറ്റവാളി ഗ്രീഷ്മ അപ്പീൽ ഹൈക്കോടതി ഫയലിൽ സ്വീകരിച്ചു. എതിർ കക്ഷികൾക്ക് നോട്ടീസ് അയച്ചു. വധശിക്ഷയ്ക്ക്…
വഴിയോരക്കച്ചവടക്കാർ, മറ്റേതെങ്കിലും കാഠിന്യമുള്ള ജോലികളിൽ ഏർപ്പെടുന്നവർ എന്നിവർ ജോലി സമയം ക്രമീകരിക്കുക. ജോലിയിൽ ആവശ്യമായ വിശ്രമം ഉറപ്പ് വരുത്തുക.ഉച്ചവെയിലിൽ കന്നുകാലികളെ…
തിരുവനന്തപുരം: അന്യ സംസ്ഥാനങ്ങളിൽ നിന്നും എത്തിച്ച് കുറ‌ഞ്ഞ വിലയ്ക്ക് വിൽക്കുന്ന വെളിച്ചെണ്ണകൾ വ്യാജ ഉൽപ്പനങ്ങളാണെന്നും അവ തിരിച്ചറിയണമെന്നും കേരഫെഡ്. കേരഫെഡ്…
ഷാരോൺ വധക്കേസ് കുറ്റവാളി ഗ്രീഷ്മ ഹൈക്കോടതിയെ സമീപിച്ചു. വധശിക്ഷക്ക് വിധിക്കപ്പെട്ട കേസിലുള്ള അപ്പീൽ ഹൈക്കോടതി ഇന്ന് പരിഗണിക്കും. നെയ്യാറ്റിൻകര അഡീഷണൽ…