പൊന്നാനിയിൽ അപകടത്തിൽ പെട്ട് തെറിച്ചു വീണ ബൈക്ക് യാത്രികനെ രക്ഷിക്കാൻ ഓടിയെത്തിയ കുട്ടിക്ക് അഭിനന്ദന പ്രവാഹം

പൊന്നാനിയിൽ ബൈക്കിൽ കാറിടിച്ചുണ്ടായ അപകടത്തിൽ ബൈക്ക് യാത്രികൻ അത്ഭുതകരമായി രക്ഷപ്പെട്ടു. ബൈക്ക് യാത്രികൻ തെറിച്ച് റോഡിലേക്ക് വീഴുന്ന ദൃശ്യങ്ങൾ പേടിപ്പെടുത്തുന്നതാണ്. രണ്ട് ദിവസം മുമ്പ് നടന്ന അപകടത്തിന്റെ ദൃശ്യങ്ങളാണ് ഇപ്പോൾ പുറത്തുവന്നിട്ടുളളത്. സൈഡ് റോഡിൽ നിന്നാണ് ബൈക്ക് യാത്രക്കാരൻ എത്തുന്നത്.

ഈ സമയം മറ്റൊരു ബൈക്കിൽ പിന്നിലിരുന്ന് എത്തിയ ചെറിയ ഒരു കുട്ടിയാണ് ബൈക്കിൽ നിന്നും ചാടി ഇറങ്ങി അപകടത്തിൽ പെട്ട ബൈക്ക് യാത്രക്കാരന്റെ അടുത്തേക്ക് ഓടിയെത്തി റോ‍ഡിൽ വീണ യാത്രക്കാരനെ കൈപ്പിടിച്ച് എണീക്കാൻ സഹായിക്കുന്നത്. പരിക്കേറ്റ ആളെ എഴുന്നേൽക്കാൻ സഹായിക്കുന്നത് ദൃശ്യങ്ങളിൽ വ്യക്തമാണ്. നിരവധി പേരാണ് കുട്ടിയെ വലിയ മനസിനെ അഭിനന്ദിച്ചു കൊണ്ട് സമൂഹമാധ്യമങ്ങളിൽ പ്രതികരിക്കുന്നത്. ഏറ്റവും ആശ്വാസകരമായ കാര്യം ഹെൽമറ്റ് ധരിച്ചിരിക്കുന്നതിനാൽ അപകടത്തിൽപെട്ട ബൈക്ക് യാത്രക്കാരന് കാര്യമായ പരിക്കൊന്നും സംഭവിച്ചിട്ടില്ല എന്നതാണ്.