നടുവട്ടത്ത് ഗൃഹനാഥനെയും ഭാര്യയെയും മർദ്ദിച്ച സംഭവത്തിൽ കേസെടുത്തു

എടപ്പാൾ: നടുവട്ടത്ത് ഗൃഹനാഥനെയും ഭാര്യയെയും മർദ്ദിച്ചെന്ന പരാതിയിൽ ചങ്ങരംകുളം പോലീസ് കേസെടുത്തു. നടുവട്ടം എസ്റ്റേറ്റ് റോഡിൽ താമസിക്കുന്ന പികെ അരവിന്ദനും ഭാര്യക്കുമാണ് മർദനമേറ്റത്. ബുധനാഴ്ച ഉച്ചയോടെ ഒരു സംഘം അരവിന്ദന്റെ വീടിനു മുന്നിൽ വെച്ച് വാക്കുതർക്കത്തിലേർപ്പെട്ടിരുന്നു. ഈ വഴിവന്ന അരവിന്ദൻ സംഭവം ചോദ്യം ചെയ്തതോടെ ബൈക്കിൽ സൂക്ഷിച്ച ഇരുമ്പ് വടികൊണ്ട് സംഘം തലക്കടിക്കുകയായിരുന്നെന്നാണ് അരവിന്ദൻ പറയുന്നത്. മർദ്ദിക്കുന്നത് കണ്ട് തടയാനെത്തിയ ഭാര്യക്കും മർദനമേറ്റു.സംഭവത്തിൽ നാട്ടുകാർ ഇടപെട്ട് ചങ്ങരംകുളം പൊലീസിനെ വിവരമറിയിക്കുകയും പൊലീസ് സ്ഥലത്തെത്തി അക്രമി സംഘത്ത കസ്റ്റഡിയിലെടുക്കുകയും ചെയ്തിരുന്നു